QR Ulttyq qaýipsizdik komıteti (UQK) sársenbi kúni respýblıkada tóńkeris jasamaq boldy degen aıyppen bir top adamnyń qamaýǵa alynǵanyn habarlady.
«Ulttyq qaýipsizdik komıteti 2023 jylǵy 15 qarashada Bas prokýratýramen kelise otyryp, sotqa deıingi tergep-tekserý aıasynda Astana, Atyraý jáne Jezqazǵan qalalarynda radıkaldy dinı toptyń uıashyqtaryn anyqtap, aýqymdy jospardyń jolyn kesti", - delingen málimdemede.
Ustalǵandar terorızmdi nasıhattady, ekstremıstik top qurdy jáne onyń qyzmetine belsendi qatysty degen kúdikke ilindi.
"Toptyń 12 múshesi bir ýaqytta ustaldy. Tergeýshilerdiń aıtýynsha, olar Qazaqstandaǵy zaıyrly júıeni qulatýdy kózdegen. Ol úshin ekstremıstik ıdeologıany taratyp, uıymǵa jańa jaqtastaryn tartqan", - delingen habarlamada.
Málimdemede kúdiktilerdiń úılerin tintý kezinde quqyq qorǵaý organdarynyń tyıym salynǵan ádebıetter men aıǵaqtardy tapqany aıtylǵan.
«Toptyń birqatar músheleri aýyr qylmys, sonyń ishinde polısıa qyzmetkerin óltirý, bandıtızm, qaraqshylyq jáne zorlaý-zombylyq jasaǵany úshin sottalǵan», - delingen habarlamada.
Aıta ketelik, Qazaqstan, elimizdiń konstıtýsıasyna sáıkes zaıyrly memleket.
