ق ر ۇلتتىق قاۋىپسىزدىك كوميتەتى (ۇقك) سارسەنبى كۇنى رەسپۋبليكادا توڭكەرىس جاساماق بولدى دەگەن ايىپپەن ءبىر توپ ادامنىڭ قاماۋعا الىنعانىن حابارلادى.
«ۇلتتىق قاۋىپسىزدىك كوميتەتى 2023 جىلعى 15 قاراشادا باس پروكۋراتۋرامەن كەلىسە وتىرىپ، سوتقا دەيىنگى تەرگەپ-تەكسەرۋ اياسىندا استانا، اتىراۋ جانە جەزقازعان قالالارىندا راديكالدى ءدىني توپتىڭ ۇياشىقتارىن انىقتاپ، اۋقىمدى جوسپاردىڭ جولىن كەستى"، - دەلىنگەن مالىمدەمەدە.
ۇستالعاندار تەرروريزمدى ناسيحاتتادى، ەكسترەميستىك توپ قۇردى جانە ونىڭ قىزمەتىنە بەلسەندى قاتىستى دەگەن كۇدىككە ءىلىندى.
"توپتىڭ 12 مۇشەسى ءبىر ۋاقىتتا ۇستالدى. تەرگەۋشىلەردىڭ ايتۋىنشا، ولار قازاقستانداعى زايىرلى جۇيەنى قۇلاتۋدى كوزدەگەن. ول ءۇشىن ەكسترەميستىك يدەولوگيانى تاراتىپ، ۇيىمعا جاڭا جاقتاستارىن تارتقان"، - دەلىنگەن حابارلامادا.
مالىمدەمەدە كۇدىكتىلەردىڭ ۇيلەرىن ءتىنتۋ كەزىندە قۇقىق قورعاۋ ورگاندارىنىڭ تىيىم سالىنعان ادەبيەتتەر مەن ايعاقتاردى تاپقانى ايتىلعان.
«توپتىڭ ءبىرقاتار مۇشەلەرى اۋىر قىلمىس، سونىڭ ىشىندە پوليسيا قىزمەتكەرىن ءولتىرۋ، بانديتيزم، قاراقشىلىق جانە زورلاۋ-زومبىلىق جاساعانى ءۇشىن سوتتالعان»، - دەلىنگەن حابارلامادا.
ايتا كەتەلىك، قازاقستان، ەلىمىزدىڭ كونستيتۋسياسىنا سايكەس زايىرلى مەملەكەت.
