Úkimettiń 2024 jylǵy 6 maýsymdaǵy qaýlysymen 2024 jylǵa memlekettik kepildikpen memlekettik emes qaryzdar qarajaty esebinen qarjylandyrýǵa usynylatyn investitsiialyq jobalardyń tizbesine tolyqtyrý engizildi, dep habarlaidy Dalanews.kz.
Atap aitqanda, 2024 jylǵa memlekettik kepildiktermen memlekettik emes qaryzdar qarajaty esebinen qarjylandyrýǵa usynylatyn investitsiialyq jobalardyń tizbesine mynalar qosyldy:
2024-2033 jyldarǵa arnalǵan Respýblikalyq mańyzy bar jalpyǵa ortaq paidalanylatyn avtomobil joldaryn qalpyna keltirý jónindegi investitsiialyq jobany "QazAvtoJol" ulttyq kompaniiasy júzege asyratyn bolady.
Jobanyń jalpy quny 951 542 362 857 teńgeni quraidy. Memlekettik kepildik mólsheri - 450 000 000 000 teńgege deiin (shamamen 1 000 000 000 dollar).
Áleýetti qaryz berýshi - "Qazaqstannyń Damý Banki" AQ.
Qaýly qol qoiylǵan kúninen bastap qoldanysqa engiziledi.
