ۇكىمەتتىڭ 2024 جىلعى 6 ماۋسىمداعى قاۋلىسىمەن 2024 جىلعا مەملەكەتتىك كەپىلدىكپەن مەملەكەتتىك ەمەس قارىزدار قاراجاتى ەسەبىنەن قارجىلاندىرۋعا ۇسىنىلاتىن ينۆەستيسيالىق جوبالاردىڭ تىزبەسىنە تولىقتىرۋ ەنگىزىلدى، دەپ حابارلايدى Dalanews.kz.

اتاپ ايتقاندا، 2024 جىلعا مەملەكەتتىك كەپىلدىكتەرمەن مەملەكەتتىك ەمەس قارىزدار قاراجاتى ەسەبىنەن قارجىلاندىرۋعا ۇسىنىلاتىن ينۆەستيسيالىق جوبالاردىڭ تىزبەسىنە مىنالار قوسىلدى:

2024-2033 جىلدارعا ارنالعان رەسپۋبليكالىق ماڭىزى بار جالپىعا ورتاق پايدالانىلاتىن اۆتوموبيل جولدارىن قالپىنا كەلتىرۋ جونىندەگى ينۆەستيسيالىق جوبانى "قازاۆتوجول" ۇلتتىق كومپانياسى جۇزەگە اسىراتىن بولادى.

جوبانىڭ جالپى قۇنى 951 542 362 857 تەڭگەنى قۇرايدى. مەملەكەتتىك كەپىلدىك مولشەرى - 450 000 000 000 تەڭگەگە دەيىن (شامامەن 1 000 000 000 دوللار).

الەۋەتتى قارىز بەرۋشى - "قازاقستاننىڭ دامۋ بانكى" اق.

قاۋلى قول قويىلعان كۇنىنەن باستاپ قولدانىسقا ەنگىزىلەدى.