Almatyda 9 qazannan bastap jylý beriledi, dep habarlaidy dalanews.kz.
Aýa temperatýrasy kúrt tómendeýine bailanysty qala ákimi Darhan Satybaldynyń tapsyrmasymen jylytý maýsymyn ádettegiden erterek bastaý týraly sheshim qabyldanǵan. 9 qazannan bastap qalada ortalyq jylý júiesine qosý jumystary bastalady.
Aldymen jylý áleýmettik nysandarǵa - balabaqshalarǵa, mektepterge jáne meditsinalyq mekemelerge beriledi.
"Turǵyn úilerdi ortalyq jylýǵa qosýdy 10 qazanda bastaý josparlanǵan. Jylý úige berilgennen keiin PIK pen MIB mamandary ishki jylý júielerin retteidi. Olar radiatorlar men tikqubyrlardaǵy aýany shyǵaryp, qysymdy retke keltiredi", - dep jazylǵan habarlamada.
"Almaty jylý júiesi" JShS qysqy kezeńge daiyndyq jumystaryn aiaqtaǵan.
