Atalǵan kezeń ishindegi negizgi kórsetkishter:
- 2022 qazynalyq jylǵy qorytyndy boiynsha Holding túsimi $565 mln, bul byltyrǵy jylmen salystyrǵanda $212 mln-ǵa nemese 60%-ǵa kóbirek. Mundai nátijege myna jaǵdailar áser etti:
- klientter shotynyń ulǵaiyp, qyzmettiń keńeiýine (belsendi klientter men mámileler sanynyń ósýi) bailanysty komissiialyq kiristiń 59%-ǵa nemese $160 mln-ǵa ósýi, iaǵni $272 mln-nan $432 mln-ǵa deiin;
- saýda portfeli jalpy kóleminiń jáne ondaǵy obligatsiialar sanynyń ulǵaiýyna bailanysty paiyzdyq kiristiń 197%-ǵa nemese $61 mln-ǵa ósýi, iaǵni $31 mln-nan $92 mln-ǵa deiin;
- saýda baǵaly qaǵazdar paidasynyń 70%-ǵa nemese $32 mln-ǵa ósýi, iaǵni $46 mln-nan $78 mln-ǵa deiin;
- kóbine resei rýbliniń AQSh dollaryna qatysty 11%-ǵa álsireýine bailanysty shetel valiýtasymen jasalatyn operatsiialar zalalynyń $41 mln-ǵa ósýi.
- Holding shyǵysy myna sebepterge bailanysty $148 mln-ǵa nemese 83%-ǵa ulǵaidy:
- operatsiialyq shyǵystyń $84 mln-ǵa ulǵaiýy Holding qyzmetiniń keńeiýi, qyzmetkerlerdi jaldaý, syiaqy shyǵysy nátijesinde, negizgi qyzmetkerlerge aktsiialardyń shektelgen granttarynyń shyǵarylýy nátijesinde jalaqyǵa jumsalǵan shyǵysqa bailanysty;
- baǵaly qaǵazdar boiynsha REPO kelisimderiniń esebinen qysqa merzimdi qarjylandyrý kóleminiń ósýi jáne nátijesinde klientterdiń depozittik shottary ósip, depozitterdiń paiyzdyq shyǵysynyń ósýi saldarynan paiyzdyq shyǵystyń $49 mln-ǵa ulǵaiýy.
- 2022 jáne 2021 qazynalyq jylǵy qorytyndy boiynsha:
- Holdingtiń taza paidasy $211 mln-ǵa teń jáne sáikesinshe $143 mln;
- 59 mln dana aktsiianyń ortasha eseptelgen sanyna bailanysty eseptelgen Holding aktsiiasynyń paidasy $3.56 jáne sáikesinshe $2.45;
- basqa da jiyntyqty kirisi $194 mln-ǵa teń jáne sáikesinshe $145 mln.
- 2022 qazynalyq jyl ishinde Holding aktivteri men mindettemeleri $902 mln-ǵa ulǵaidy jáne sáikesinshe $670 mln.
- 2022 jylǵy 31 naýryzdaǵy jaǵdai boiynsha shamamen 410 klient shoty ashyldy, bul 2021 jylǵy 31 naýryzdaǵy jaǵdai boiynsha klientter shotynyń sanymen salystyrǵanda 120 myńǵa nemese 41%-ǵa kóbirek.
Timýr Týrlov, SEO, Freedom Holding Corp.:
"TMD elderiniń, sondai-aq álemniń qarjy naryqtaryna áser etken geosaiasi daǵdarysqa qaramastan, biz 2022 qazynalyq jyldy jaqsy kórsetkishtermen aiaqtadyq.
Freedom Finance kompaniiasynyń Qazaqstandaǵy ekojúiesi birqatar jetistikpen tolyqty, sol arqyly biz jańa innovatsiialyq jobalardy iske asyryp, klientterimizge jan-jaqty qyzmet kórsete alamyz.
Bizdiń eýropalyq biznesimiz aitarlyqtai nátije kórsetti ári biz jańa ókildikter asha otyryp, EO-ǵy óz geografiialyq ornymyzdy keńeitemiz. Bizdiń barlyq baǵytta damýǵa qatysty zor ári ór josparymyz bar jáne komandamyzdyń aldynda olardy iske asyrýǵa bailanysty úlken jumys kútip tur".
...
Budan bólek, 2022 kúntizbelik jyldyń ekinshi toqsanynyń sońynda Holding qurylymyn qaita qurý josparlanady.
Atap aitqanda, «Fridom Finans» IK jáne «Fridom Finans» Banki Freedom Holding Corp quramynan shyǵady jáne bólek reseilik biznes bolmaq.
Mundai qadam reseilik jeke investorlardyń múddesin qorǵaý maqsatynda júzege asyrylady, sebebi qazirgi sátte amerikalyq holdingpen úlestestik reseilik brokerdiń jáne banktiń tabysty operatsiialyq qyzmetine kedergi keltirýde.
Birinshi kezeńde Timýr Týrlov amerikalyq jariia holdingten reseilik biznesti satyp alyp, olarǵa ielik etýin endi jeke tulǵa retinde jalǵastyrmaq.
Osylaisha, reseilik kompaniialardyń túpkilikti benefitsiary ózgermeidi. Budan keiin Timýr Týrlov olardy «Fridom Finans» IK jáne «Fridom Finans» Banki top-menedjmentiniń ókilderine satýy múmkin.
Bul kompaniialar jergilikti naryqtaǵy jumystaryn endi holdingten bólek jalǵastyrady, sebebi Reseide olardyń klientteri de, tólemderi de, perspektivalyq damý strategiiasy da kóp.
