Qazaqstanda 1 qańtardan 5 aqpanǵa deiingi kezeńde biznes salasynda oń dinamika baiqaldy, dep habarlaidy Dalanews.kz.
Biyl jyl basynan bastap kásipkerlerdiń belsendiligi artqanyn kórsetetin birneshe mańyzdy statistikalyq málimet jariialandy:
- Jańartylǵan salyq erejeleri boiynsha shamamen 950 myń salyq tóleýshi salyq rejimin rastaǵan.
- Onyń ishinde 743 myńnan astamy jeńildetilgen deklaratsiia boiynsha, al shamamen 100 myńy jalpy tártip boiynsha tirkelgen.
- 10 myńnan astam kásipker QQS boiynsha esepke turǵan.
- Osy ýaqyt ishinde shamamen 39 myń jańa jeke kásipker tirkelgen.
Salystyrý úshin, qańtardyń ortasynda jańa JShS sany 12 myń, al arnaiy salyq rejimin rastaityndar 285 myń bolǵan, dep jazady QZ economy sarapshylary.
Ekonomisterdiń pikirinshe, bul kórsetkishter jańa salyq júiesiniń bizneske qoldaý retinde jasalǵanyn dáleldeidi. Qazaqstandaǵy jańartylǵan salyq kodeksi birinshi kezekte shaǵyn jáne orta bizneske baǵyttalǵan. Mysaly, ózdiginen jumys isteitinderge salyqqa tirkelý mindettemesi alynyp tastaldy, tek áleýmettik tólemder tóleý qajet, al jeńildetilgen salyq boiynsha shektik kórsetkishter 2,6 mlrd teńgege deiin kóterilgen. Sonymen qatar, QQS boiynsha tirkelý mindettemesi joq.
Ekonomister atap ótkendei, biznes jańa jaǵdailarda da jumysyn jalǵastyryp otyr, al kórsetkishter oń dinamikada ósip keledi. Kásipkerler úshin eshqandai teris jaǵdai tirkelgen joq.
