Қазақстанда 1 қаңтардан 5 ақпанға дейінгі кезеңде бизнес саласында оң динамика байқалды, деп хабарлайды Dalanews.kz.

Биыл жыл басынан бастап кәсіпкерлердің белсенділігі артқанын көрсететін бірнеше маңызды статистикалық мәлімет жарияланды:

• Жаңартылған салық ережелері бойынша шамамен 950 мың салық төлеуші салық режимін растаған.
• Оның ішінде 743 мыңнан астамы жеңілдетілген декларация бойынша, ал шамамен 100 мыңы жалпы тәртіп бойынша тіркелген.
• 10 мыңнан астам кәсіпкер ҚҚС бойынша есепке тұрған.
• Осы уақыт ішінде шамамен 39 мың жаңа жеке кәсіпкер тіркелген.

Салыстыру үшін, қаңтардың ортасында жаңа ЖШС саны 12 мың, ал арнайы салық режимін растайтындар 285 мың болған, деп жазады QZ economy сарапшылары.

Экономистердің пікірінше, бұл көрсеткіштер жаңа салық жүйесінің бизнеске қолдау ретінде жасалғанын дәлелдейді. Қазақстандағы жаңартылған салық кодексі бірінші кезекте шағын және орта бизнеске бағытталған. Мысалы, өздігінен жұмыс істейтіндерге салыққа тіркелу міндеттемесі алынып тасталды, тек әлеуметтік төлемдер төлеу қажет, ал жеңілдетілген салық бойынша шектік көрсеткіштер 2,6 млрд теңгеге дейін көтерілген. Сонымен қатар, ҚҚС бойынша тіркелу міндеттемесі жоқ.

Экономистер атап өткендей, бизнес жаңа жағдайларда да жұмысын жалғастырып отыр, ал көрсеткіштер оң динамикада өсіп келеді. Кәсіпкерлер үшін ешқандай теріс жағдай тіркелген жоқ.