Bul azamattardyń qataryn qarjy, telekommýnikatsiia, meimanhana biznesterimen ainalysatyn 58 jastaǵy Bolat Ótemuratov bastap tur. Onyń bailyǵy 2 milliard 400 million dollarǵa baǵalanǵan. 2-shi, 3-shi oryndar erli-zaiypty Timýr jáne Dinara Qulybaevtarǵa tiesili. Biznestiń birneshe túrimen ainalysatyn olardyń árqaisysynyń bailyqtary tiisinshe 2 milliard 100 million dollarǵa teń dep kórsetilgen.
Búginde 62 jastaǵy Alidjan Ibragimovtiń bailyǵy 1 milliard 800 million dollarǵa teń dep baǵalanypty. Ol atalǵan reitingte 4-shi oryndy ielengen. (Bul adamnyń metall biznesimen ainalysatyny belgili). Taǵy bir metall magnatyVladimir Kimniń bailyǵy 1 milliard 700 million dollarǵa baǵalanǵan. Ol 5-shi orynda tur.
Biznesi qarjy salasymen bailanysty, búginde 51 jastaǵy Nurjan Subhanberdinniń bailyǵy 946 million dollarǵa teń. «Qazkommertsbank» aktsionerlik qoǵamy direktorlar keńesiniń tóraǵasy, 36 jastaǵy Keńes Raqyshev atalǵan reitingte 7-shi orynda tur. Biznesi qarjydan bólek, qamsyzdandyrý jáne taǵy basqa da birneshe salalardy qamtityn onyń bailyǵy 718 million dollarǵateń dep baǵalanǵan.
Bul tizimge D.Qulybaevadan basqa taǵy da bir áiel enipti. Ol – qarjy jáne telekommýnikatsiia biznesimen ainalysatyn Aigúl Nurieva. 41 jastaǵy A.Nurieva 675 million dollarǵa teń dep baǵalanǵan bailyǵymen reitingtiń 8-shi orynyn ielengen.
Qazaqstandyq bailar qataryndaǵylardyń basym kópshiligin jasy 40 pen 50-den asqan adamdar quraidy. Jasy 60-tan asqan bes-alty adam bar. Solardyń biri – búginde 67 jastaǵy Rashit Sársenov munai jáne metall saýdasymen ainalysady. Onyń bailyǵy 669 million dollarǵa teń dep kórsetilgen. Ol atalǵan reitingte 9-shy orynda tur.
Bul tizimnen kezinde Shymkent munai óńdeý jaýytynda birneshe jyl basshylyq qyzmet atqarǵan Nurlan Bizaqovtyń esimin kórdik. 52 jastaǵy Nurlan Bizaqov 420 million dollarǵa tatityn bailyǵymen atalǵan tizimde 14-shi bolyp tur.
Sondai-aq reitingtiń bel ortasynan jerlesimiz, «Saýts-Oil» kompaniiasynyń prezidenti Serikjan Seiitjanovtyń otbasy da oryn alypty. Olar 23-shi orynda tur, bailyǵy 238 million dollarǵa baǵalanǵan.
Qazaqstandyq bailardyń qatarynda jasy 30-dan asqan úsh-tórt adam bar. Solardyń biri Dáýren Jaqsybektiń jasy – 37-de, ol 486 million dollarǵa baǵalanǵan bailyǵymen 10-shy orynda tur. (D.Jaqsybek – Ádilbek Jaqsybekovtiń uly, ol qarjy jáne agroónerkásip salasy biznesimen ainalysady).
Al bailyǵyn qarjy jáne himiia ónerkásibi salasyndaǵy biznesi arqyly jiǵan Ǵalymjan Esenovtiń jasy qazir 34-te eken. 302 million dollarǵa tatityn bailyǵymen ol atalǵan reitingte 18-shi orynda tur.
35 jastaǵy Igor Shkolnik bolsa (kezinde elimizdiń Indýstriia jáne saýda ministrligin, «Qazatomónerkásip» Ulttyq kompaniiasyn, Energetika ministrligin basqarǵan, Vladimir Shkolniktiń balasy), 220 million dollarǵa baǵalanǵan bailyǵymen reitingtiń 26-shy qatarynan boi kórsetipti. (Bul azamat munai jáne gaz óńdeý salalaryndaǵy biznespen shuǵyldanady. 2014-jyly onyń ózi eń basty aktsioneri bolyp tabylatyn Orsk munai óńdeý zaýytyn Reseidiń «Rýsneft» aktsionerlik qoǵamyna satqany jurttyń esinde).
Buqaralyq aqparat quraldary salasynda eńbek etip júrip te baiyǵandar bar. Mysaly, birneshe aqparat quraldarynyń quryltaishysy bolyp tabylatyn Armanjan Baitasov 47-shi oryndy ielenipti. Onyń bailyǵy 77 million dollardep baǵalanǵan.
...Jalpy, álemdik ekonomikadaǵy kei qubylystardyń bailyqqa tikelei áser etetini belgili. Mysaly, biylǵy jariialanǵan reitingtegi bailyqtyń ortaq kórsetkishi 21 milliard 652 million dollardy quraidy, al osydan burynǵy jariialanǵan reitingte onyń somasy 25 milliard 519 million dollarǵa teń bolǵan eken. Iaǵni joǵarydaǵy tizimdegilerdiń bailyǵy 4 milliard dollardai azaiǵan. Esesine munai men metall baǵasynyń qymbattaýy esebinen Bolat Ótemuratov pen Timýr jáne Dinara Qulybaevtardyń bailyǵy árqaisysy 100 million dollarǵa, Vladimir Kimdiki – 200 million dollarǵa, Alidjan Ibragimovtiń bailyǵy 300 million dollarǵa kóbeigen.
