بۇل ازاماتتاردىڭ قاتارىن قارجى, تەلەكوممۋنيكاتسييا, مەيمانحانا بيزنەستەرٸمەن اينالىساتىن 58 جاستاعى بولات ٶتەمۇراتوۆ باستاپ تۇر. ونىڭ بايلىعى 2 ميلليارد 400 ميلليون دوللارعا باعالانعان. 2-شٸ, 3-شٸ ورىندار ەرلٸ-زايىپتى تيمۋر جەنە دينارا قۇلىباەۆتارعا تيەسٸلٸ. بيزنەستٸڭ بٸرنەشە تٷرٸمەن اينالىساتىن ولاردىڭ ەرقايسىسىنىڭ بايلىقتارى تيٸسٸنشە 2 ميلليارد 100 ميلليون دوللارعا تەڭ دەپ كٶرسەتٸلگەن.
بٷگٸندە 62 جاستاعى اليدجان يبراگيموۆتٸڭ بايلىعى 1 ميلليارد 800 ميلليون دوللارعا تەڭ دەپ باعالانىپتى. ول اتالعان رەيتينگتە 4-شٸ ورىندى يەلەنگەن. (بۇل ادامنىڭ مەتالل بيزنەسٸمەن اينالىساتىنى بەلگٸلٸ). تاعى بٸر مەتالل ماگناتىۆلاديمير كيمنٸڭ بايلىعى 1 ميلليارد 700 ميلليون دوللارعا باعالانعان. ول 5-شٸ ورىندا تۇر.
بيزنەسٸ قارجى سالاسىمەن بايلانىستى, بٷگٸندە 51 جاستاعى نۇرجان سۇبحانبەرديننٸڭ بايلىعى 946 ميلليون دوللارعا تەڭ. «قازكوممەرتسبانك» اكتسيونەرلٸك قوعامى ديرەكتورلار كەڭەسٸنٸڭ تٶراعاسى, 36 جاستاعى كەڭەس راقىشەۆ اتالعان رەيتينگتە 7-شٸ ورىندا تۇر. بيزنەسٸ قارجىدان بٶلەك, قامسىزداندىرۋ جەنە تاعى باسقا دا بٸرنەشە سالالاردى قامتيتىن ونىڭ بايلىعى 718 ميلليون دوللارعاتەڭ دەپ باعالانعان.
بۇل تٸزٸمگە د.قۇلىباەۆادان باسقا تاعى دا بٸر ەيەل ەنٸپتٸ. ول – قارجى جەنە تەلەكوممۋنيكاتسييا بيزنەسٸمەن اينالىساتىن ايگٷل نۇريەۆا. 41 جاستاعى ا.نۇريەۆا 675 ميلليون دوللارعا تەڭ دەپ باعالانعان بايلىعىمەن رەيتينگتٸڭ 8-شٸ ورىنىن يەلەنگەن.
قازاقستاندىق بايلار قاتارىنداعىلاردىڭ باسىم كٶپشٸلٸگٸن جاسى 40 پەن 50-دەن اسقان ادامدار قۇرايدى. جاسى 60-تان اسقان بەس-التى ادام بار. سولاردىڭ بٸرٸ – بٷگٸندە 67 جاستاعى راشيت سەرسەنوۆ مۇناي جەنە مەتالل ساۋداسىمەن اينالىسادى. ونىڭ بايلىعى 669 ميلليون دوللارعا تەڭ دەپ كٶرسەتٸلگەن. ول اتالعان رەيتينگتە 9-شى ورىندا تۇر.
بۇل تٸزٸمنەن كەزٸندە شىمكەنت مۇناي ٶڭدەۋ جاۋىتىندا بٸرنەشە جىل باسشىلىق قىزمەت اتقارعان نۇرلان بيزاقوۆتىڭ ەسٸمٸن كٶردٸك. 52 جاستاعى نۇرلان بيزاقوۆ 420 ميلليون دوللارعا تاتيتىن بايلىعىمەن اتالعان تٸزٸمدە 14-شٸ بولىپ تۇر.
سونداي-اق رەيتينگتٸڭ بەل ورتاسىنان جەرلەسٸمٸز, «ساۋتس-ويل» كومپانيياسىنىڭ پرەزيدەنتٸ سەرٸكجان سەيٸتجانوۆتىڭ وتباسى دا ورىن الىپتى. ولار 23-شٸ ورىندا تۇر, بايلىعى 238 ميلليون دوللارعا باعالانعان.
قازاقستاندىق بايلاردىڭ قاتارىندا جاسى 30-دان اسقان ٷش-تٶرت ادام بار. سولاردىڭ بٸرٸ دەۋرەن جاقسىبەكتٸڭ جاسى – 37-دە, ول 486 ميلليون دوللارعا باعالانعان بايلىعىمەن 10-شى ورىندا تۇر. (د.جاقسىبەك – ەدٸلبەك جاقسىبەكوۆتٸڭ ۇلى, ول قارجى جەنە اگروٶنەركەسٸپ سالاسى بيزنەسٸمەن اينالىسادى).
ال بايلىعىن قارجى جەنە حيمييا ٶنەركەسٸبٸ سالاسىنداعى بيزنەسٸ ارقىلى جيعان عالىمجان ەسەنوۆتٸڭ جاسى قازٸر 34-تە ەكەن. 302 ميلليون دوللارعا تاتيتىن بايلىعىمەن ول اتالعان رەيتينگتە 18-شٸ ورىندا تۇر.
35 جاستاعى يگور شكولنيك بولسا (كەزٸندە ەلٸمٸزدٸڭ يندۋسترييا جەنە ساۋدا مينيسترلٸگٸن, «قازاتومٶنەركەسٸپ» ۇلتتىق كومپانيياسىن, ەنەرگەتيكا مينيسترلٸگٸن باسقارعان, ۆلاديمير شكولنيكتٸڭ بالاسى), 220 ميلليون دوللارعا باعالانعان بايلىعىمەن رەيتينگتٸڭ 26-شى قاتارىنان بوي كٶرسەتٸپتٸ. (بۇل ازامات مۇناي جەنە گاز ٶڭدەۋ سالالارىنداعى بيزنەسپەن شۇعىلدانادى. 2014-جىلى ونىڭ ٶزٸ ەڭ باستى اكتسيونەرٸ بولىپ تابىلاتىن ورسك مۇناي ٶڭدەۋ زاۋىتىن رەسەيدٸڭ «رۋسنەفت» اكتسيونەرلٸك قوعامىنا ساتقانى جۇرتتىڭ ەسٸندە).
بۇقارالىق اقپارات قۇرالدارى سالاسىندا ەڭبەك ەتٸپ جٷرٸپ تە بايىعاندار بار. مىسالى, بٸرنەشە اقپارات قۇرالدارىنىڭ قۇرىلتايشىسى بولىپ تابىلاتىن ارمانجان بايتاسوۆ 47-شٸ ورىندى يەلەنٸپتٸ. ونىڭ بايلىعى 77 ميلليون دوللاردەپ باعالانعان.
...جالپى, ەلەمدٸك ەكونوميكاداعى كەي قۇبىلىستاردىڭ بايلىققا تٸكەلەي ەسەر ەتەتٸنٸ بەلگٸلٸ. مىسالى, بيىلعى جارييالانعان رەيتينگتەگٸ بايلىقتىڭ ورتاق كٶرسەتكٸشٸ 21 ميلليارد 652 ميلليون دوللاردى قۇرايدى, ال وسىدان بۇرىنعى جارييالانعان رەيتينگتە ونىڭ سوماسى 25 ميلليارد 519 ميلليون دوللارعا تەڭ بولعان ەكەن. ياعني جوعارىداعى تٸزٸمدەگٸلەردٸڭ بايلىعى 4 ميلليارد دوللارداي ازايعان. ەسەسٸنە مۇناي مەن مەتالل باعاسىنىڭ قىمباتتاۋى ەسەبٸنەن بولات ٶتەمۇراتوۆ پەن تيمۋر جەنە دينارا قۇلىباەۆتاردىڭ بايلىعى ەرقايسىسى 100 ميلليون دوللارعا, ۆلاديمير كيمدٸكٸ – 200 ميلليون دوللارعا, اليدجان يبراگيموۆتٸڭ بايلىعى 300 ميلليون دوللارعا كٶبەيگەن.
