Qazaqstanda jumys isteitin azamattardyń shamamen 40 paiyzy zeinetaqy jarnasyn tólemeidi, dep habarlaidy dalanews.kz.
2026 jylǵy birinshi toqsanda 15 jastan asqan halyq arasyndaǵy jumyspen qamtý deńgeii 64,1 paiyz, al jumys kúshine shaqqandaǵy kórsetkish 95,5 paiyz bolǵan. Halyqaralyq eńbek uiymynyń ádistemesi boiynsha jumyssyzdyq deńgeii - 4,5 paiyz.
Elde túrli salada 9,4 million adam jumyspen qamtylǵan. Onyń ishinde 7,3 milliony jaldamaly qyzmetker bolsa, 2,1 milliony ózin-ózi jumyspen qamtyǵandar sanatyna kiredi.
Mindetti zeinetaqy jarnasy negizinde resmi tirkelgen jumyspen qamtylǵandar sany 5,559 million adam bolǵan. Al qalǵan 3,8 million azamat Biryńǵai jinaqtaýshy zeinetaqy qoryna jarna aýdarmaidy. Mamandar muny kóleńkeli eńbek naryǵymen bailanystyryp otyr.
