Qazaqstandyq qus ósirýshiler jumyrtqa men taýyq etiniń baǵasy ósýi múmkin ekenin eskertti. Buǵan astyq importyna engiziletin shekteýler sebep bolmaq, dep habarlaidy dalanews.kz.
Qus ósirýshiler Aýyl sharýashylyǵy ministrligin Reseiden arzan bidai satyp alýǵa múmkindik berýge shaqyrdy. Óitkeni qus fabrikalary bidaidy jem retinde paidalanady. Al astyqtyń quny jumyrtqa men taýyq etiniń ózindik qunynyń keminde 50 paiyzyn quraidy.
Sala ókilderiniń aitýynsha, arzan astyqqa qol jetkizý qiyndasa, óndiris shyǵyny kóbeiedi. Sonyń saldarynan jumyrtqa men taýyq etiniń baǵasy da qymbattaýy múmkin. Bul rette úkimet óndirýshilerden áleýmettik mańyzy bar azyq-túlik baǵasyn ósirmeýdi talap etip otyr.
"Kazahskii chývash" telegram arnasynyń avtory óndirýshilerden baǵany tómen ustaýdy talap etip, sonymen birge arzan shikizat alýǵa shekteý qoiý qisynsyz ekenin jazdy.
Onyń pikirinshe, memleket ónim baǵasynyń qalai qalyptasatynyn tolyq qarastyrýy kerek. Oǵan tuqym, tyńaitqysh, janarmai, elektr energiiasy jáne jem-shóp shyǵyndary kiredi.
Sonymen qatar importtyq astyq qus fabrikalaryna olardyń naqty óndiris kólemine qarai berilýi usynyldy. Bul kásiporynnyń qansha astyq ákelgenin, qansha ónim óndirip, satqanyn baqylaýǵa jáne zańsyz áreketterdiń aldyn alýǵa múmkindik beredi.
