Qazaqstanda Biryńǵai jinaqtaýshy zeinetaqy qoryndaǵy (BJZQ) jinaqtardy merziminen buryn alý tártibi ózgerýi múmkin. Jańa ereje boiynsha "jetkiliktilik shegi" endi jyl saiyn ósip otyrady, dep habarlaidy Dalanews.kz.
Eńbek jáne halyqty áleýmettik qorǵaý ministri Asqarbek Ertaevtyń aitýynsha, biryńǵai esepteý formýlasy engizilmek. Iaǵni qazirgi shekke infliatsiia deńgeii (shamamen 8%) men shartty investitsiialyq tabys (2%) qosylady. Osylaisha, jyl saiynǵy ósim shamamen 10%-dy quramaq.
Bul degenimiz, azamattar tek belgilengen mejeden asqan qarajatty paidalana alady.
Qazirgi tańda jetkiliktilik shekteri bekitilgen jáne jas ereksheligine qarai ózgeredi. Máselen, 20 jastaǵy azamattar úshin bul soma shamamen 3,7 mln teńgeni qurasa, zeinet jasyna jaqyndaǵandar úshin 10 mln teńgeden asady.
Ministrdiń málimetinshe, tiisti zań jobasy ázirlenip jatyr. Qujatty sáýir aiynda qabyldaý josparlanǵan.
