Eńbek jáne halyqty áleýmettik qorǵaý ministrligi, Ulttyq bank jáne Biryńǵai jinaqtaýshy zeinetaqy qory (BJZQ) zeinetaqy júiesine engiziletin ózgerister týraly málimdedi, dep habarlaidy dalanews.kz.
Jańa tártipke sáikes 2027 jyldan bastap memleket zeinetaqy jinaǵynyń investitsiialyq tabysy infliatsiiadan tómen bolǵan jaǵdaida tólenetin bir rettik ótemaqyny toqtatady.
Sonymen qatar, memleket mindetti zeinetaqy jarnalary boiynsha kepildikti saqtaidy. Iaǵni salymshylarǵa naqty aýdarylǵan jarnanyń tolyq kólemi kepildendirilmek.
2026 jylǵy qyrkúiekten bastap salymshylar zeinetaqy jinaǵynyń 100 paiyzyna deiin jeke basqarýshy investitsiialyq kompaniialarǵa senip tapsyra alady. Buǵan deiin bul múmkindik jinaqtyń 50 paiyzymen ǵana shektelgen edi.
Azamat jeke basqarýshy kompaniiany tańdasa, memleket infliatsiiaǵa bailanysty táýekeldi ótemeidi. Bul jaýapkershilik basqarýshy kompaniiaǵa júkteledi. Al jinaǵyn táýekelge tikkisi kelmeitinder qarjysyn Ulttyq banktiń basqarýynda qaldyra alady.
