"Otbasy bank" AQ-tyń ipotekalyq baǵdarlamalary aiasynda kezekte turǵandar úshin bastapqy tólenýi tiis tólem turǵyn úi qunynyń 10%-yna deiin tómendetiledi.
Jeńildikpen nesieleý mólsherlemesi otbasynyń tabysyna bailanysty jyldyq syiaqy mólsherlemesi 2% jáne 5% bolady, - dedi Atamqulov.
Ol zeinetaqy jinaqtaryn turǵyn úi jaǵdaiyn jaqsartý úshin paidalaný erejelerine ózgeris engiziletinin aitty.
Atap aitqanda, zeinetaqy jinaǵynyń jetkiliktilik sheginen asatyn bir bóligin keiinnen baspana satyp alý úshin Otbasy bankinndegi esep-shotqa aýdarýǵa múmkindik beretin ózgeris jaiyna toqtaldy.
Onyń aitýynsha, MJÁ men úlestik qurylystyń áleýetin belsendi qoldana otyryp, qurylys kompaniialaryn qoldaý úshin jobany qarjylandyrý mehanizmi engiziletin bolady.
Buǵan deiin Qazaqstan Prezidenti Qasym-Jomart Toqaev zeinetaqy jinaqtarynyń shekti kóleminen asqan bir bóligin Otbasy bankindegi esep-shotqa aýdarýǵa ruqsat berýdi usynǵan bolatyn. Bul el azamattaryn qarajat jinaýdy jáne tabysyn aqylmen basqarýdy ádetke ainaldyrýǵa múmkindik beredi, - dedi Prezident.
