"وتباسى بانك" اق-تىڭ يپوتەكالىق باعدارلامالارى اياسىندا كەزەكتە تۇرعاندار ءۇشىن باستاپقى تولەنۋى ءتيىس تولەم تۇرعىن ءۇي قۇنىنىڭ 10%-ىنا دەيىن تومەندەتىلەدى.
جەڭىلدىكپەن نەسيەلەۋ مولشەرلەمەسى وتباسىنىڭ تابىسىنا بايلانىستى جىلدىق سىياقى مولشەرلەمەسى 2% جانە 5% بولادى، - دەدى اتامقۇلوۆ.
ول زەينەتاقى جيناقتارىن تۇرعىن ءۇي جاعدايىن جاقسارتۋ ءۇشىن پايدالانۋ ەرەجەلەرىنە وزگەرىس ەنگىزىلەتىنىن ايتتى.
اتاپ ايتقاندا، زەينەتاقى جيناعىنىڭ جەتكىلىكتىلىك شەگىنەن اساتىن ءبىر بولىگىن كەيىننەن باسپانا ساتىپ الۋ ءۇشىن وتباسى بانكىنندەگى ەسەپ-شوتقا اۋدارۋعا مۇمكىندىك بەرەتىن وزگەرىس جايىنا توقتالدى.
ونىڭ ايتۋىنشا، ءمجا مەن ۇلەستىك قۇرىلىستىڭ الەۋەتىن بەلسەندى قولدانا وتىرىپ، قۇرىلىس كومپانيالارىن قولداۋ ءۇشىن جوبانى قارجىلاندىرۋ مەحانيزمى ەنگىزىلەتىن بولادى.
بۇعان دەيىن قازاقستان پرەزيدەنتى قاسىم-جومارت توقايەۆ زەينەتاقى جيناقتارىنىڭ شەكتى كولەمىنەن اسقان ءبىر بولىگىن وتباسى بانكىندەگى ەسەپ-شوتقا اۋدارۋعا رۇقسات بەرۋدى ۇسىنعان بولاتىن. بۇل ەل ازاماتتارىن قاراجات جيناۋدى جانە تابىسىن اقىلمەن باسقارۋدى ادەتكە اينالدىرۋعا مۇمكىندىك بەرەدى، - دەدى پرەزيدەنت.
