ماڭعىستاۋ وبلىسىندا ەسكەري وقۋ-جاتتىعۋ كەزٸندە 14 ەسكەري قىزمەتكەردٸڭ قازا تابۋى قوعامدا قىزۋ تالقىلانعان مەسەلەلەردٸڭ بٸرٸنە اينالدى. وسى وقيعادان كەيٸن قوعام بەلسەندٸسٸ مۇرات دانييار Respublica پارتيياسىنىڭ سايلاۋالدى ۋەدەلەرٸن ەسكە سالىپ, پارتييا ٶكٸلدەرٸنە سۇراق قويدى, دەپ حابارلايدى dalanews.kz.
ونىڭ ايتۋىنشا, پارتييا قۇرىلتاي سايلاۋى الدىنداعى باعدارلاماسىندا قازاقستان ارميياسىن كەزەڭ-كەزەڭٸمەن تولىق كەلٸسٸمشارت نەگٸزٸندەگٸ قىزمەتكە كٶشٸرۋگە ۋەدە بەرگەن. الايدا قۇرىلتاي جۇمىسى باستالعالى بەرٸ بۇل مەسەلە دەپۋتاتتار تاراپىنان كٶتەرٸلمەگەن.
مۇرات دانييار ەلەۋمەتتٸك جەلٸدەگٸ جازباسىندا پارتييانىڭ سايلاۋالدى باعدارلاماسىندا ارمييانى جاڭعىرتۋ, قورعانىس قابٸلەتٸن كٷشەيتۋ جەنە كەلٸسٸمشارت نەگٸزٸندەگٸ ەسكەري قىزمەتتٸ كەزەڭ-كەزەڭٸمەن ەنگٸزۋ تۋرالى ناقتى تارماقتار بولعانىن اتاپ ٶتتٸ.
ونىڭ سٶزٸنشە, اقتاۋداعى قايعىلى وقيعادان كەيٸن قۇرىلتايدىڭ بٸرنەشە وتىرىسى ٶتكەنٸنە قاراماستان, Respublica پارتيياسىنىڭ دەپۋتاتتارى بۇل تاقىرىپقا قاتىستى اشىق مەلٸمدەمە جاساعان جوق.
سونىمەن بٸرگە ول پارتييانىڭ قازا تاپقان ەسكەري قىزمەتكەرلەردٸڭ وتباسىلارىنا 100 ميلليون تەڭگە كٶلەمٸندە قارجىلاي كٶمەك كٶرسەتكەنٸن اتاپ ٶتتٸ. الايدا بۇل مەسەلە تەك ماتەريالدىق قولداۋمەن شەكتەلمەۋٸ كەرەك دەپ ەسەپتەيدٸ.
«ەگەر سٸز Respublica پارتيياسىنا داۋىس بەرگەن بولساڭىز, وندا ولاردىڭ سايلاۋالدى ۋەدەلەرٸنٸڭ ورىندالۋى تۋرالى سۇراۋعا تولىق مورالدىق قۇقىعىڭىز بار. ەڭ بولماسا بەرگەن ۋەدەلەرٸ جٶنٸندە پٸكٸر بٸلدٸرٸپ, تٷسٸنٸكتەمە بەرۋٸن تالاپ ەتە الاسىز», – دەيدٸ ول.
مۇرات دانيياردىڭ ايتۋىنشا, ٶزٸ بۇل پارتيياعا داۋىس بەرمەگەندٸكتەن, قانداي دا بٸر تالاپ قويۋدى دۇرىس سانامايدى. دەگەنمەن پارتييانى قولداعان ازاماتتار ٶزدەرٸ تاڭداعان ساياسي كٷشتەن سايلاۋالدى مٸندەتتەمەلەردٸڭ ورىندالۋى جٶنٸندە جاۋاپ سۇراي الادى.
