Joba «Shevron» kompaniiasynyń bastamasy boiynsha jáne qarjylyq qoldaýymen júzege asyrylady.
«Memorandýmǵa qol qoiý – COVID-19 epidemiiasyna qarsy is-qimyl boiynsha Densaýlyq saqtaý ministrligine keńes men praktikalyq kómek kórsetýge jáne Qazaqstandaǵy meditsinalyq uiymdarda infektsiialardyń aldyn alý men infektsiialyq baqylaý júiesin jaqsartýǵa baǵyttalǵan jobany iske asyrýdaǵy mańyzdy qadam» – deidi kompaniia ókili Leila Aitmuhanova.
«Biraq bul bizdiń birlesken alǵashqy jobamyz emes. Ótken jyly biz tájiribe almasý úshin Qytaidan dárigerlerdiń kelýine qoldaý kórsettik, meditsina qyzmetkerlerine treningter uiymdastyrdyq, sondai-aq COVID-19 aýrýyn emdeý úshin qajetti dári-dármekter men jeke qorǵanys quraldaryn satyp alýdy jáne jetkizýdi uiymdastyrdyq».
Qol qoiylǵan Memorandým sheńberinde Jumatov atyndaǵy Gigiena jáne epidemiologiia ǵylymi ortalyǵy negizinde qurylǵan meditsinalyq kómekke bailanysty infektsiialardyń aldyn-alý jáne infektsiialyq baqylaý jónindegi úilestirý ortalyǵynyń áleýetin kúsheitý boiynsha sharalar men qosymsha qarjylandyrý kózdelip otyr.
Sonymen qatar, QDSUO negizinde infektsiialyq baqylaý boiynsha Konsýltativtik keńes qurylady, jáne eldiń barlyq 17 aimaǵyndaǵy ár túrli deńgeidegi meditsinalyq uiymdarda infektsiialyq baqylaý júiesiniń negizgi komponentteriniń qazirgi jaǵdaiy anyqtalyp, baǵalanady.
Baǵalaý nátijesi boiynsha kópjaqty pikirtalas ótkizilip, Qazaqstandaǵy infektsiialyq baqylaý baǵdarlamalaryn baqylaý júiesiniń tiimdiligin arttyrý boiynsha usynystar ázirlenedi.
Sondai-aq meditsinalyq kómek kórsetýge bailanysty infektsiialarǵa baqylaý júrgizetin aqparattyq júieni ázirleý jáne engizý josparlanýda. Praktikalyq densaýlyq saqtaý júiesine kómek kórsetý úshin, QDSUO jáne ICAP birlesip, Dúniejúzilik densaýlyq saqtaý uiymynyń materialdary men Qazaqstan Respýblikasynyń normativtik-quqyqtyq talaptary negizinde meditsinalyq qyzmetkerler men meditsinalyq uiymdardyń basshylaryn infektsiialardyń aldyn alý jáne baqylaý boiynsha oqytýdy josparlap otyr. Oqytý sertifikattary QDSUO atynan beriledi.
Jobany iske asyrý nátijesinde meditsinalyq uiymdarda infektsiialyq baqylaý baǵdarlamasynyń barlyq bólikteri jetildiriledi jáne QDSUO-nyń infektsiianyń aldyn alý jáne baqylaý sharalaryn úilestirý áleýeti arttyrylady. Óz kezeginde, bul Qazaqstan Respýblikasynyń juqpaly aýrýlarmen kúreste týyndaityn zamanaýi qiynshylyqtaryna daiyndyǵyn kúsheitedi.
ICAP ortalyǵy – AQSh, Niý-Iork qalasynda ornalasqan Kolýmbiia ýniversitetindegi qoǵamdyq densaýlyq saqtaý mektebiniń quramyna kiredi. Ortalyqtyń basty maqsaty – januialar men qoǵamdastyqtardyń densaýlyǵyn jaqsartý. Búgingi tańda ICAP álemniń 30-dan astam elderiniń densaýlyq saqtaý ministrlikterine densaýlyq saqtaý júiesin nyǵaitý, onyń ishinde meditsina qyzmetkerlerin oqytý, densaýlyq saqtaý salasynda innovatsiialyq tásilderdi ázirleý jáne engizý boiynsha konsýltatsiialyq-ádistemelik kómek kórsetetin jáne aýqymdy ǵylymi jobalardy júzege asyratyn iri halyqaralyq uiymdardyń biri bolyp tabylady.
