Qazaqstanda 2025 jyldyń tórtinshi toqsanynda medıanalyq jalaqy 339 912 teńge boldy, dep habarlaıdy Dalanews.kz.

Bul týraly Ulttyq statısıka búrosynyń derekterine jarıalady.

Ortasha aılyq ataýly jalaqy shaǵyn kásiporyndardy esepke almaǵanda 473 158 teńgege jetken.

Sonymen qatar, bir jyl ishinde naqty jalaqy 3,2%-ǵa tómendegen. Ataýly ósim 8,8% bolǵanymen, ol ınflásıa deńgeıin jaba almaǵan.

Jyl sońyndaǵy ataýly jalaqynyń ósýi dástúrli qosymsha tólemdermen, jyl qorytyndysy boıynsha beriletin syıaqylarmen jáne merekelik bonýstarmen baılanysty.

Salalar boıynsha eń joǵary ósim aýyl, orman jáne balyq sharýashylyǵynda tirkelgen - 25,9%. Sondaı-aq jyljymaıtyn múlik operasıalary salasynda jalaqy 14,5%-ǵa, al kólik jáne qoımalaý sektorynda 11,9%-ǵa artqan.