قازاقستاندا 2025 جىلدىڭ ءتورتىنشى توقسانىندا مەديانالىق جالاقى 339 912 تەڭگە بولدى، دەپ حابارلايدى Dalanews.kz.

بۇل تۋرالى ۇلتتىق ستاتيستيكا بيۋروسىنىڭ دەرەكتەرىنە جاريالادى.

ورتاشا ايلىق اتاۋلى جالاقى شاعىن كاسىپورىنداردى ەسەپكە الماعاندا 473 158 تەڭگەگە جەتكەن.

سونىمەن قاتار، ءبىر جىل ىشىندە ناقتى جالاقى 3،2%-عا تومەندەگەن. اتاۋلى ءوسىم 8،8% بولعانىمەن، ول ينفلياسيا دەڭگەيىن جابا الماعان.

جىل سوڭىنداعى اتاۋلى جالاقىنىڭ ءوسۋى ءداستۇرلى قوسىمشا تولەمدەرمەن، جىل قورىتىندىسى بويىنشا بەرىلەتىن سىياقىلارمەن جانە مەرەكەلىك بونۋستارمەن بايلانىستى.

سالالار بويىنشا ەڭ جوعارى ءوسىم اۋىل، ورمان جانە بالىق شارۋاشىلىعىندا تىركەلگەن - 25،9%. سونداي-اق جىلجىمايتىن مۇلىك وپەراسيالارى سالاسىندا جالاقى 14،5%-عا، ال كولىك جانە قويمالاۋ سەكتورىندا 11،9%-عا ارتقان.