QR Ulttyq Banki 2025 jyldyń II toqsan qorytyndysy boiynsha ekinshi deńgeili bankter men banktik emes jekelegen aqsha aiyrbastaý oryndarynda jalpy salmaǵy 79,3 keli bolatyn 4 008 ólshemeli altyn quimasyn satty. Bul ótken toqsanmen salystyrǵanda 2,2 ese az kólem, dep habarlaidy Dalanews.kz QR Ulttyq Banktiń baspasóz qyzmetine silteme jasap.
2025 jyldyń II toqsanda ólshemeli quimalar kóp satylǵan óńirler:
- Almaty (4 084 dana, 74%),
- Jambyl oblysy (300 dana, 5%),
- Shymkent (200 dana, 4%).
"Halyq arasynda suranysqa ie quimanyń salmaǵy - 10 gramm. Onyń jalpy satý kólemindegi úlesi 26% nemese 61 209 danany quraidy. Odan keiingisi 5 gramdyq quima – 53 142 dana (22%), 100 gramdyq quimadan 48 634 dana (20%), 20 gramdyqtan 44 209 dana (19%) jáne 50 gramdyq quimadan 30 578 dana (13%) satylǵan", delingen retteýshi organ habarlamasynda.
Aita ketsek, 2024 jyldyń II toqsanynda 779,2 keli bolatyn 14 752 altyn quimasy satylǵan.
"Halyqqa altyn quimalarynyń taza satylymynyń jyldyq dinamikasyn baǵalaý úshin 2024 jyldyń II toqsandaǵy mánnen qazirgisin alyp tastaý kerek: 779,3 - 62,3 (keri satyp alý, mán eseptik jolmen anyqtalǵan). Tiisinshe, nátije 716,9 kelini quraidy jáne ótken jyldyń boljamdy deńgeii bolady. Onymen salystyrǵanda tómendeý toǵyz ese bolyp tirkeledi. Bir qyzyǵy, taza satylym kóleminiń quldyraýy qatarynan eki jylda oryn alady. Máselen, bir toqsan buryn kórsetkish bul kqrsetkish 615,7 keliden (eseptik mán) 176 kelige deiin bir-aq tómendedi, iaǵni 3,5 ese. Buǵan, negizinen, Ulttyq Banktiń I-toqsanda "óndiristik-logistikalyq tsikldiń erekshelikterine" bailanysty ólshemeli quimalardy ýaqytsha doǵarýy sebep sekildi. Retteýshi organ bul rettegi EDB jáne banktik emes aiyrbas oryndary ótinimderin oryndaýǵa 2025 jyldyń II-toqsanynyń sońynda oraldy", dep jazady Data Hub sarapshylary.
