ق ر ۇلتتىق بانكى 2025 جىلدىڭ ءىI توقسان قورىتىندىسى بويىنشا ەكىنشى دەڭگەيلى بانكتەر مەن بانكتىك ەمەس جەكەلەگەن اقشا ايىرباستاۋ ورىندارىندا جالپى سالماعى 79،3 كەلى بولاتىن 4 008 ولشەمەلى التىن قۇيماسىن ساتتى. بۇل وتكەن توقسانمەن سالىستىرعاندا 2،2 ەسە از كولەم، دەپ حابارلايدى Dalanews.kz ق ر ۇلتتىق بانكتىڭ باسپا ءسوز قىزمەتىنە سىلتەمە جاساپ.
2025 جىلدىڭ II توقساندا ولشەمەلى قۇيمالار كوپ ساتىلعان وڭىرلەر:
- الماتى (4 084 دانا، 74%)،
- جامبىل وبلىسى (300 دانا، 5%)،
- شىمكەنت (200 دانا، 4%).
"حالىق اراسىندا سۇرانىسقا يە قۇيمانىڭ سالماعى - 10 گرامم. ونىڭ جالپى ساتۋ كولەمىندەگى ۇلەسى 26% نەمەسە 61 209 دانانى قۇرايدى. ودان كەيىنگىسى 5 گرامدىق قۇيما – 53 142 دانا (22%)، 100 گرامدىق قۇيمادان 48 634 دانا (20%)، 20 گرامدىقتان 44 209 دانا (19%) جانە 50 گرامدىق قۇيمادان 30 578 دانا (13%) ساتىلعان"، دەلىنگەن رەتتەۋشى ورگان حابارلاماسىندا.
ايتا كەتسەك، 2024 جىلدىڭ II توقسانىندا 779،2 كەلى بولاتىن 14 752 التىن قۇيماسى ساتىلعان.
"حالىققا التىن قۇيمالارىنىڭ تازا ساتىلىمىنىڭ جىلدىق ديناميكاسىن باعالاۋ ءۇشىن 2024 جىلدىڭ II توقسانداعى ماننەن قازىرگىسىن الىپ تاستاۋ كەرەك: 779،3 - 62،3 (كەرى ساتىپ الۋ، ءمان ەسەپتىك جولمەن انىقتالعان). تيىسىنشە، ناتيجە 716،9 كەلىنى قۇرايدى جانە وتكەن جىلدىڭ بولجامدى دەڭگەيى بولادى. ونىمەن سالىستىرعاندا تومەندەۋ توعىز ەسە بولىپ تىركەلەدى. ءبىر قىزىعى، تازا ساتىلىم كولەمىنىڭ قۇلدىراۋى قاتارىنان ەكى جىلدا ورىن الادى. ماسەلەن، ءبىر توقسان بۇرىن كورسەتكىش بۇل كقرسەتكىش 615،7 كەلىدەن (ەسەپتىك ءمان) 176 كەلىگە دەيىن ءبىر-اق تومەندەدى، ياعني 3،5 ەسە. بۇعان، نەگىزىنەن، ۇلتتىق بانكتىڭ I-توقساندا "وندىرىستىك-لوگيستيكالىق سيكلدىڭ ەرەكشەلىكتەرىنە" بايلانىستى ولشەمەلى قۇيمالاردى ۋاقىتشا دوعارۋى سەبەپ سەكىلدى. رەتتەۋشى ورگان بۇل رەتتەگى ەدب جانە بانكتىك ەمەس ايىرباس ورىندارى وتىنىمدەرىن ورىنداۋعا 2025 جىلدىڭ ءىى-توقسانىنىڭ سوڭىندا ورالدى"، دەپ جازادى Data Hub ساراپشىلارى.
