Qazaqstanda vitse-prezident laýazymy kimge buiyrýy múmkin? Depýtattar oiyn ortaǵa saldy, dep habarlaidy Dalanews.kz Ulysmedia.kz-ke silteme jasap.
Ulys tilshisi depýtattan vitse-prezident qyzmetine kim laiyq ekenin surady.
“Men muny aitýǵa quqyǵym joq jáne etikanyń buzylýy bolyp sanalady. Ózim baiqap, oilap turǵanym bar. Vitse-prezident nege senat, burynǵy parlament tóraǵasyna bilikti bermeidi? Prezident qandai da bir jaǵdaida bilikten ketse, onyń jumysyn kim atqarady? Bizde osy ýaqytqa deiin parlament basshysy boldy. Biraq parlament ol basqa bilik. Al prezident bir ózi sheshim shyǵaratyn, búkil jaýapkershilikti ózine alatyn adam. Búgin prezident ne dep aitty? “Men búkil jaýapkershilikti ózim alamyn, men jaýap beremin” dedi. Meniń oiymsha prezident sondai adamdy tańdaýy kerek (vitse-prezidenttikke). Prezidentke tán qasietteri bar, ózine batyl jaýapkershilik ala biletin, strategiialyq kózqarasy, azamattyq qundylyǵy, adami qasieti bar adam bola alady. Bizde ondai kandidattar kóp emes, biraq bar”, – deidi Ábenov.
Al Ermurat Bápi jýrnalisterdiń suraǵyna naqty jaýap bere almady.
“Ony qalai aitasyń? Aita almaimyn”, - dedi Bápi.
Óz kezeginde Erlan Sairov bul suraqqa qysqa ǵana pikirin bildirdi.
“Prezidentpen qiyndyqta da birge bolǵan bir adam bar. Ol — Erlan Qarin”, — dedi ol.
