1 shildeden bastap polısıa ótinish berýshiden turmystyq quqyq buzýshylyqtardy tirkeýdiń anyqtaý sıpatyna kóshti. Jańa túzetýler jábirlenýshilerdiń ótinishinsiz ákimshilik quqyq buzýshylyq týraly is qozǵaýǵa múmkindik beredi.
Turmystyq zorlyq-zombylyq jasaý faktisi boıynsha hattama jasaý úshin qazir kýágerlerdiń, kórshilerdiń aıǵaqtary, beınebaqylaý kameralary men beınetirkegishtiń jazbalary jetkilikti. Sońǵy sheshimdi sot qabyldaıdy.
Taraptardy qaıta tatýlastyrý múmkindigi alynyp tastalady. Buǵan deıin turmystyq zorlyq-zombylyq týraly materıaldardyń jartysy tatýlasý úshin sotta toqtatylǵan bolatyn.
Bul agresordyń nemese týystarynyń sendirýi nemese qysymy nátıjesinde paıda boldy. 1 shildeden bastap sotta tek bir ret tatýlasýǵa bolady. Bul zardap shekkenderge psıhologıalyq qysym jasaýdy toqtatýǵa múmkindik beredi.
Turmystyq zorlyq-zombylyq úshin ákimshilik jáne qylmystyq jaýapkershilik kúsheıtildi. Ákimshilik qamaýǵa alýdyń naqty merzimderi anyqtaldy. 19 mamyrdan bastap Qylmystyq kodekstiń aýyr jáne aýyrlyǵy ortasha densaýlyqqa zıan keltirýge baılanysty jekelegen baptaryna “kinálige materıaldyq nemese ózge de táýeldilikte bolǵan adamǵa qatysty is-áreket jasaý ” biliktilik belgisi engizildi (QK 106-baby, QK 107-baby). Bul qylmyskerdi oqshaýlaý úshin qamaýǵa alý sanksıasyn qoldanýǵa, sondaı-aq jaýapkershilikti arttyrýǵa múmkindik beredi. Sondaı-aq turmystyq quqyq buzýshylyqtar úshin jaýapkershilik kúsheıtildi.
Nátıjesinde, sońǵy tórt aıda (shilde-qazan) jaýapqa tartylǵandar sany artty. Eger aǵymdaǵy jyldyń ekinshi toqsanynda 7 myń adam jaýapkershilikke tartylsa, úshinshi toqsanda olardyń sany 27 myń adamdy qurady (qazan aıynda – 9,5 myń). Tıisinshe, qamaýǵa alynǵan agresorlardyń sany 2 ese ósti.
Bıylǵy jyly barlyǵy 60 myń (60741) quqyq buzýshy ákimshilik jaýapkershilikke tartyldy. Olarǵa qatysty 75 myń qorǵanys uıǵarymy shyǵaryldy. Sottar quqyq buzýshylardyń minez-qulqyna 12 myń erekshe talap qoıdy. Olardyń tarapynan belgilengen shekteýlerdi 10 myń buzýshylyqtyń jolyn kesti.
Jalpy, uıymdastyrýshylyq jáne quqyqtyq sharalardyń nátıjesinde a.j. 10 aıynyń qorytyndysy boıynsha otbasylyq-turmystyq qatynastar salasyndaǵy quqyq buzýshylyqtar týraly habarlamalardy tirkeýdiń 20%-ǵa, onyń ishinde qylmystyq quqyq buzýshylyqtardy 4,2%-ǵa, otbasylyq-turmystyq qatynastar salasynda jasalǵan aýyr qylmystardy tirkeý 12%-ǵa tómendedi.
