Bes jarym ǵasyr buryn Uly dalada toǵysqan kóp rý men taipa bir handyqta birikti.
Qazir assimiliatsiianyń ekinshi kezeńi bastalýda. Ortaq tarihi taǵdyrymyz biriktirgen bizder, kóp etnos bolyp quralyp, qazaq ultymen bir halyq boldyq. Al búgin qazaqtyń tili men mentalitetiniń negizinde bir Qazaq ulty bolyp qalyptasýdamyz.
Qazaqstanda turatyn etnostar úshin memleketti qurýshy ultqa rizashylyqpen qaraý, tilin, dilin qurmetteý – qoǵamdyq kelisimniń túp negizi bolmaq.
Kezinde qazaq halqy qýǵyn-súrgin qurbandary men tylǵa kelgen babalarymyzdy qushaq jaia qarsy aldy. Sol kezde qazaqtyń ózinde de asharshylyq pen represiia kezeńi bolǵanyn, soǵan qaramastan as-sýymen bóliskenin umytýǵa bolmaidy.
Sondyqtan ata-babalarymyzdyń ómirin saqtap qalǵan, qiyn-qystaý zamanda baýyr bolǵan qazaqqa shyn nietpen alǵys aitsaq, sol babalarymyzdyń arýaqtary bir aýnap, bizge de riza bolady dep senemin.
Sol úshin de qazaq halqyna myń alǵys aitamyn!
Jalpy árbirimiz úshin alǵys aitýǵa sebep kóp. Eń aldymen ákelerimiz ben analarymyzǵa, dos pen baýyrǵa, árbir tilekshi janǵa myń alǵys bolsyn!
