TikTok jelisin buǵattaý máselesi kún tártibinde joq. Bul týraly Mádeniet jáne aqparat ministri Aida Balaeva Úkimet otyrysynan keiingi brifingte málimdedi, dep habarlaidy Dalanews.kz.
Ministrdiń aitýynsha, TikTok kompaniiasynyń ókilderimen tyǵyz jumys júrip jatyr. Platforma Qazaqstan zańnamasyna sáikes talaptardy oryndaýǵa kelisip, zańsyz kontentti joiý boiynsha mindetteme alǵan.
“Buryn jelide zańsyz kontenttiń sany kúrt artqan. Bul máseleni TikTok-pen birlese sheshý barysynda tehnikalyq qiyndyqtar boldy. Alaida qazirgi tańda mundai mazmundaǵy beineler 80 paiyzǵa qysqardy”, — dedi Aida Balaeva.
Ministr TikTok-ty buǵattaý máselesi qoldanýshylardyń ózine bailanysty ekenin de eskertti.
“Eger jelide zańsyz, shyndyqqa janaspaityn ári ulttyq qaýipsizdikke qaýip tóndiretin kontent kóbeise, platformany buǵattaý máselesi qaralýy múmkin”, — dedi ol.
