Qazaqstanda sot sheshimderin oryndaýǵa jasandy ıntellekt tartylady, dep habarlaıdy Dalanews.kz.

Elimizde "Óndirip alýshy men boryshkerdiń jeke kabıneti" jetildirilip, oǵan "Sıfrlyq kómekshi" engiziledi. Bul servıs qazaqstandyqtarǵa sot sheshimderiniń oryndalý barysyn qadaǵalap, sot oryndaýshysynyń áreketterine jedel jaýap berýge múmkindik beredi. Bul týraly QR Ádilet mınıstri Erlan Sársembaev málimdedi.

Budan bólek, atqarýshylyq is júrgizý prosesteri avtomattandyrylady. Nátıjesinde múlikke salynǵan tyıymdar men ýaqytsha shekteýler jedel alynyp tastalyp, boryshkerler tiziliminen shyǵarý prosesi jeńildeıdi.