Qazaqstanda aldaǵy ýaqytta SIM-kartalardy tek bailanys operatorlary satatyn bolady, dep habarlaidy Dalanews.kz.
Tsifrlyq damý ministrligi ázirlegen buiryq mátinine sáikes, tirkeý kezinde qoldanýshysy týraly aqparat berilmegen qazaqstandyq nómirlerdi paidalana otyryp, internet-alaiaqtyqqa qarsy kúresti kúsheitý josparlanýda. Osyǵan bailanysty tirkeý protsesine qatysty baqylaýdy kúsheitý jáne jeke bas málimetin usynbaǵandarǵa SIM kartalardy satýǵa shekteýler engizý usynylady.
Atalǵan túzetýler kúshine engennen keiin abonenttik nómirdi tek bailanys operatorlarynan satyp alýǵa bolady.
Budan bólek, bailanys salasyndaǵy resmi kompaniialar óz tutynýshylarynyń ózine qatysty aldaý-arbaý áreketteri týraly jedel habarlai alatyn mamandandyrylǵan Call-ortalyqtar qurady. Bul kúdikti nómirlerdi buǵattaýǵa, quqyq qorǵaý organdary úshin derekter jinaýǵa múmkindik beredi.
Qujat 2025 jyldyń 23 mamyryna deiin qoǵamdyq talqyǵa usynyldy.
