Qazaqstanda 2026 jyldyń alǵashqy tórt aiynda 2 myńǵa jýyq egiz jáne 54 úshem dúniege keldi, dep habarlaidy dalanews.kz.
Ulttyq statistika biýrosynyń málimetinshe, qańtar-sáýir ailarynda elimizde shamamen 2 myń egiz sábi ómirge kelgen. Al úshemderdiń sany 54 bolsa, tórtemderdiń týýy bul kezeńde tirkelmegen.
Egizderdiń eń kóp týǵan óńiri – Túrkistan oblysy. Munda 263 egiz dúniege kelgen. Ekinshi orynda Almaty qalasy (245 jaǵdai), úshinshi orynda Almaty oblysy tur. Bul óńirde 175 egiz týǵan.
Úshemderdiń sany boiynsha Túrkistan jáne Atyraý oblystary men Shymkent qalasy kósh bastap otyr. Óńirlerdiń árqaisysynda úsh úshemnen dúniege kelgen. Bul – ár óńirde toǵyz náresteden týǵanyn bildiredi.
Jalpy, 2026 jyldyń qańtar-sáýir ailarynda Qazaqstanda 99,4 myń bala dúniege kelgen.
Týý kórsetkishi eń joǵary óńirler qatarynda Túrkistan oblysy alda tur – 1000 turǵynǵa shaqqanda 19,75 bala. Odan keiin Shymkent qalasy (19,39) jáne Mańǵystaý oblysy (19,28) ornalasqan.
