Iran men AQSh Shveitsariiada ótken kelissózder barysynda birqatar mańyzdy máseleler boiynsha ýaǵdalastyqqa qol jetkizdi. Bul týraly Irannyń syrtqy ister ministri Abbas Aragchi málimdedi, dep habarlaidy dalanews.kz.
Onyń aitýynsha, kelissózder nátijesinde Irannyń munai eksportyn qaita jandandyrýǵa múmkindik beretin kelisim jasalǵan. Sonymen qatar taraptar Irannyń buǵattalǵan aktivteriniń bir bóligin bosatý jáne eldi qalpyna keltirý men damytý josparyn iske qosý týraly da ortaq sheshimge kelgen.
Ázirge AQSh biligi bul aqparatqa qatysty resmi pikir bildirgen joq. Alaida kelissózderge deldal bolǵan Pákistan men Katar birlesken málimdeme jariialap, sammit barysynda aldaǵy kelissózder úshin «úmit syilaityn ilgerileýge» qol jetkizilgenin habarlady.
Taraptar birneshe jumys tobyn qurýǵa kelisken. Olar Irannyń iadrolyq baǵdarlamasyna, sanktsiialarǵa jáne buǵan deiin jasalǵan memorandýmnyń oryndalýyna qatysty máselelerdi qarastyrady. Budan bólek, AQSh pen Iran arasynda túpkilikti kelisimge qol jetkizýge arnalǵan jol kartasy da maquldanǵan.
Sondai-aq qarsy taraptar kelisimge qatysýshylar men deldaldardyń qatysýymen shielenisti tómendetý tetigin qurý jóninde kelisimge kelgen. Bul mehanizm aimaqtaǵy jaǵdaidyń odan ári ýshyǵýyna jol bermeýge baǵyttalmaq.
