قازاقستاندا الداعى ۋاقىتتا SIM-كارتالاردى تەك بايلانىس وپەراتورلارى ساتاتىن بولادى، دەپ حابارلايدى Dalanews.kz.
سيفرلىق دامۋ مينيسترلىگى ازىرلەگەن بۇيرىق ماتىنىنە سايكەس، تىركەۋ كەزىندە قولدانۋشىسى تۋرالى اقپارات بەرىلمەگەن قازاقستاندىق نومىرلەردى پايدالانا وتىرىپ، ينتەرنەت-الاياقتىققا قارسى كۇرەستى كۇشەيتۋ جوسپارلانۋدا. وسىعان بايلانىستى تىركەۋ پروسەسىنە قاتىستى باقىلاۋدى كۇشەيتۋ جانە جەكە باس مالىمەتىن ۇسىنباعاندارعا SIM كارتالاردى ساتۋعا شەكتەۋلەر ەنگىزۋ ۇسىنىلادى.
اتالعان تۇزەتۋلەر كۇشىنە ەنگەننەن كەيىن ابونەنتتىك ءنومىردى تەك بايلانىس وپەراتورلارىنان ساتىپ الۋعا بولادى.
بۇدان بولەك، بايلانىس سالاسىنداعى رەسمي كومپانيالار ءوز تۇتىنۋشىلارىنىڭ وزىنە قاتىستى الداۋ-ارباۋ ارەكەتتەرى تۋرالى جەدەل حابارلاي الاتىن مامانداندىرىلعان Call-ورتالىقتار قۇرادى. بۇل كۇدىكتى نومىرلەردى بۇعاتتاۋعا، قۇقىق قورعاۋ ورگاندارى ءۇشىن دەرەكتەر جيناۋعا مۇمكىندىك بەرەدى.
قۇجات 2025 جىلدىڭ 23 مامىرىنا دەيىن قوعامدىق تالقىعا ۇسىنىلدى.
