Qazaqstanda saiasi memlekettik qyzmetshilerdiń kirisi týraly deklaratsiialardy jariialaý mindetteldi. Sheneýnikter bul derekterdi jeltoqsannyń aiaǵyna deiin usynýǵa tiis bolǵan. Soǵan orai birqatar ministrliktiń resmi saittarynda alǵashqy deklaratsiialar jariialandy, dep habarlaidy Dalanews.kz.
Alaida qujattarda sheneýnikterdiń óz tabysy emes, olardyń jubailarynyń kirisi kórsetilgen.
- Máselen Qazaqstannyń Estoniiadaǵy elshisi Altai Kólginov pen jubaiy Janar Kelimbetovanyń deklaratsiiasynda 16 967 301 teńge kórsetilgen.
- Qorǵanys vitse-ministri Qanysh Ábýbákirov pen jubaiy Maira Qojataidyń deklaratsiiasynda 34 million teńge kórinedi.
- Al ulttyq ekonomika vitse-ministri Asan Darbaev pen jubaiynyń deklaratsiiasynda 69 605 000 teńge dep kórsetilgen.
Sondai-aq, premer-ministrdiń orynbasary – ulttyq ekonomika ministri Serik Jumanǵarinniń deklaratsiiasynda 88 678 984 teńge tirkelgen.
Ministrlik bul soma ministrdiń emes, onyń jubaiynyń baǵaly qaǵazdar naryǵyndaǵy investitsiialardan túsken kirisi ekenin málimdegen. Vedomstvo málimetinshe, Serik Jumanǵarinniń jalaqydan bólek qosymsha tabysy joq.
