Qazaqstanda merzimdi áskeri qyzmet ótkerip júrgen azamattarǵa nesie berý toqtatylýy múmkin, dep habarlaidy Dalanews.kz.
Mundai ózgeristi Qarjy naryǵyn retteý jáne damytý agenttigi (QNRDA) usyndy. Osy maqsatta «Merzimdi áskeri qyzmetke shaqyrylǵan áskeri qyzmetshiler, olardyń qyzmetten bosatylýy, banktik qaryzdar men mikrokreditterdiń bar-joǵy, sondai-aq bank qaryzy men mikrokredit sharttary boiynsha tólemderdi keiinge qaldyrý týraly aqparat almasý qaǵidalary týraly» qaýly jobasy ázirlendi.
Qujat «Ashyq NQA» portalynda jariialanyp, 3 aqpanǵa deiin qoǵamdyq talqylaýǵa shyǵarylǵan.
Jobaǵa sáikes, bankter men mikroqarjy uiymdary nesiege ótinim berý kezinde azamattyń áskeri qyzmet mártebesin tekserýge mindetteledi.
Eger kredittik esepte azamattyń merzimdi áskeri qyzmette júrgeni kórsetilse, oǵan nesie berýden bas tartylady.
