Aqmola oblysynyń politseileri 26 jyldan keiin, 90-jyldardaǵy qylmystyq toptyń sońǵy qatysýshysyn ustady, - dep habarlaidy Dalanews.kz Polisia.kz saityna siltep.
Banda músheleriniń esebinde tórt adamdy óltirý, júrgizýshilerge jasalǵan tonaý shabýyldary, ekonomikalyq kontrabanda jáne bilik ókiliniń nemese laýazymdy tulǵanyń ataǵyn óz betinshe taǵaiyndaý derekteri bar. 6 adamnan turatyn top qylmystardy 26 jyl buryn jasai bastaǵan.
"1998 jyldan bastap militsiia qyzmetkerleriniń nysandy kiim-keshekterin kiip alyp, avtomatty atys qarýymen qarýlanǵan qylmyskerler qala syrtyndaǵy avtojoldarda jezldiń kómegimen avtokólikterdi iemdený maqsatynda toqtatyp, júrgizýshiler men olardyń jolaýshylaryn atyp tastaityn. Denelerdi orman alqaptaryna kómý arqyly joiyp, al avtokólikterdi zańsyz satqan.1999 jyly bandanyń tórt múshesin politsiia qyzmetkerleri ustady. Keiinnen sot úkimi boiynsha, olardyń ekeýi ólim jazasyna, ekeýi uzaq ýaqytqa bas bostandyǵynan aiyryldy", - delingen habarlamada.
