اقمولا وبلىسىنىڭ پوليسەيلەرى 26 جىلدان كەيىن، 90-جىلدارداعى قىلمىستىق توپتىڭ سوڭعى قاتىسۋشىسىن ۇستادى، - دەپ حابارلايدى Dalanews.kz Polisia.kz سايتىنا سىلتەپ.
باندا مۇشەلەرىنىڭ ەسەبىندە ءتورت ادامدى ءولتىرۋ، جۇرگىزۋشىلەرگە جاسالعان توناۋ شابۋىلدارى، ەكونوميكالىق كونتراباندا جانە بيلىك وكىلىنىڭ نەمەسە لاۋازىمدى تۇلعانىڭ اتاعىن ءوز بەتىنشە تاعايىنداۋ دەرەكتەرى بار. 6 ادامنان تۇراتىن توپ قىلمىستاردى 26 جىل بۇرىن جاساي باستاعان.
"1998 جىلدان باستاپ ميليسيا قىزمەتكەرلەرىنىڭ نىساندى كيىم-كەشەكتەرىن كيىپ الىپ، اۆتوماتتى اتىس قارۋىمەن قارۋلانعان قىلمىسكەرلەر قالا سىرتىنداعى اۆتوجولداردا جەزلدىڭ كومەگىمەن اۆتوكولىكتەردى يەمدەنۋ ماقساتىندا توقتاتىپ، جۇرگىزۋشىلەر مەن ولاردىڭ جولاۋشىلارىن اتىپ تاستايتىن. دەنەلەردى ورمان القاپتارىنا كومۋ ارقىلى جويىپ، ال اۆتوكولىكتەردى زاڭسىز ساتقان.1999 جىلى باندانىڭ ءتورت مۇشەسىن پوليسيا قىزمەتكەرلەرى ۇستادى. كەيىننەن سوت ۇكىمى بويىنشا، ولاردىڭ ەكەۋى ءولىم جازاسىنا، ەكەۋى ۇزاق ۋاقىتقا باس بوستاندىعىنان ايىرىلدى"، - دەلىنگەن حابارلامادا.
