Senattyń jalpy otyrysynda Qazaqstannyń Joǵary Sot Keńesiniń múshesi Nuriia Sisenova elimizde jaýapqa tartylǵan sýdialar týraly málimet berdi, dep habarlaidy Dalanews.kz.
"Bul másele boiynsha biz statistika júrgizemiz. 2024 jyldyń 9 aiynda sot protsesinde eleýli qate jibergen 21 sýdia jaýapqa tartyldy.
Ótken jyldyń osy kezeńinde tek 9 sýdia jaýapqa tartylǵan bolatyn. Iaǵni, bul kórsetkish biyl eki jarym ese ósti. 1 qazannan bastap jańa tetik kúshine endi, osy baǵyttaǵy oqiǵalardy biz qazir tereń taldaýdamyz", – dedi Sisenova.
Aita keteiik, buǵan deiin Jezqazǵan qalasynyń prokýratýrasymen turaqty negizde memlekettik organdardyń memlekettik satyp alý salasyndaǵy zańnama normalarynyń saqtalýyna monitoring júrgizgenin habarlaǵan edik.
Jergilikti atqarýshy organdarmen qoldanystaǵy zańnamaǵa qaishy áleýetti ónim berýshilerdiń memlekettik satyp alýǵa qatysýyn shekteitin jáne qiyndatatyn biliktilik talaptaryn belgilengen.
Qala prokýratýrasy jalpy quny 2,6 mlrd teńgeden asatyn 6 konkýrstyń kúshin joidy, 15 laýazymdy tulǵaǵa 904 540 teńge mólsherinde ákimshilik aiyppul saldy.
Nátijesinde prokýratýra memlekettik satyp alýdyń barlyq qatysýshylaryna zańnamada kózdelgen teń múmkindikterdi qamtamasyz etti.
Sonymen qatar, joǵaryda atalǵan zańbuzýshylyqtar boiynsha engizilgen usynýdy tiisinshe qarastyrmaǵany úshin qala ákiminiń orynbasary, TÚKSh bóliminiń basshysy jánebasqa da laýazymdy tulǵalar ákimshilik jaýapkershilikke tartyldy.
