Endi Qazaqstandaǵy kompaniialar ishki tasymaldaýda taýarlardy temirjolmen jetkizý úshin ketken shyǵynnyń jartysyn ala alady. Maksimaldy ótemaqy – 10 000 AEK, iaǵni shamamen 43,25 mln teńge. Buǵan deiin ishki tasymaldaý úshin mundai ótemaqy qarastyrylmaǵan edi, dep habarlaidy Dalanews.kz.
Ótemaqy tek Qazaqstanda óndirilgen óńdelgen taýarlarǵa beriledi.
Sonymen qatar halyqaralyq sertifikat alý shyǵyny da kóbeidi. Buryn 3 000 AEK bolsa, qazir 15 000 AEK-ke deiin óteledi (shamamen 65 mln teńge). Halyqaralyq sertifikaty bar kompaniialar transulttyq korporatsiialardyń satyp alýlaryna qatysa alady.
Eńbek ónimdiligin qoldaý talaptary da jeńildetildi. Jyl saiynǵy salyq tóleminiń ósýi sharty endi jeti jyldan kem jumys istep kele jatqan kompaniialarǵa qoldanylmaidy.
