Qazaqstanda mıkro jáne shaǵyn bıznes sýbektileriniń qyzmetin toqtatý tártibi jeńildetildi. Tıisti ózgeristerdi Qarjy mınıstri Mádı Tákıev buıryq arqyly bekitti, dep habarlaıdy Dalanews.kz.

Jańa qujatqa sáıkes, belgili bir talaptarǵa saı keletin kásipkerler bıznesin japqanda kameraldyq baqylaýdan bosatylady. Iaǵnı, kásipker qyzmetin toqtatý týraly ótinish bergen jaǵdaıda, 2025 jylǵy 17 jeltoqsanǵa deıin tapsyrylǵan salyq eseptiligi boıynsha jáne 2026 jylǵy 1 qańtarǵa deıingi kezeńderge qatysty kameraldyq tekserý júrgizilmeıdi.

Sondaı-aq jańa tártipte mańyzdy norma bar: eger kompanıa taratylǵan kezde onyń múlki salyq bereshegin óteýge jetpese, zańda kózdelgen jaǵdaılarda bul qaryzdy quryltaıshylar óteýi múmkin.

Jańartylǵan ereje 1 naýryzdan bastap kúshine enedi.