Qazaqstanda medısınalyq qyzmetterdiń baǵasy ósýi yqtımal. Buǵan jańa Salyq kodeksinde qarastyrylǵan qosylǵan qun salyǵy (QQS) sebep bolýy múmkin, dep habarlaıdy Dalanews.kz.

Bılik ókiliniń aıtýynsha, TMKKK jáne MÁMS aıasynda kórsetiletin medısınalyq qyzmetter QQS-tan bosatylady. Iaǵnı memleket kepildik bergen jáne saqtandyrý júıesine kiretin em-dom túrlerine salyq salynbaıdy.

Alaıda dárihanalardaǵy baǵa men medısınalyq qyzmetterdiń naqty qanshalyqty qymbattaıtyny ázirge eseptelmegen. Sheneýnik bul baǵytty áli qarastyrmaǵanyn ashyq aıtty.

Soǵan qaramastan, ol eń basty jaıtty naqty jetkizdi, baǵa ósedi. Onyń sózinshe, medısınalyq qyzmetter shamamen salyq mólsherindeı qymbattaýy múmkin, ıaǵnı QQS ústinen qosylady.

«Qansha paıyzǵa ósedi?» degen suraqqa naqty sıfrlar aıtylmady. Sheneýnik bul másele onyń quzyretine kirmeıtinin málimdedi.

Osylaısha, resmı túrde birqatar medısınalyq qyzmetter QQS-tan bosatylǵanymen, is júzinde medısına salasynda baǵanyń ósýi bolmaı qalmaıtyny moıyndalyp otyr.