Qazaqstanda jalpy somasy 2 mlrd 400 mln teńgeniń kúdikti dep tanylǵan operasıalar boıynsha 24 myń bank kartasy buǵattaldy, dep habarlaıdy Dalanews.kz.
"Habar"arnasy habarlaǵandaı, shottarǵa buǵat mynandaı kúdikter boıynsha salynǵan:
- az-maz somadaǵy kóp aqsha aýdarymdary;
- ekonomıkalyq maǵynasy joq operasıalar;
- esirtkiniń zańsyz aınalymyna baılanysty esepaıyrysýlar.
Sonymen qatar, esirtki taratylatyn ınternet-resýrstardyń buǵattalýy úsh esege artty.
- 2025 jyldyń birinshi jartyjyldyǵynda:
- 17 myńnan astam esirtki saıty jabyldy;
- esirtkini nasıhattaý faktileri boıynsha sotqa deıingi 95 is tirkelgen;
- 1 mıllıon adamdy qamtıtyn 11 myńnan astam esirtkige qarsy is-sharalar ótkizildi.
"Esirtki qylmysyna qarsy kúres qoǵamdyq qaýipsizdik pen bolashaq urpaqty qorǵaý múddesinde kúsheıtilgen rejımde alda da júrgizile beretin bolady", - deıdi QR İİM esirtki qylmysyna qarsy is-qımyl komıteti tóraǵasynyń orynbasary Qýandyq Áljanov.
