قازاقستاندا جالپى سوماسى 2 ملرد 400 ملن تەڭگەنٸڭ كٷدٸكتٸ دەپ تانىلعان وپەراتسييالار بويىنشا 24 مىڭ بانك كارتاسى بۇعاتتالدى, دەپ حابارلايدى Dalanews.kz.
"حابار"ارناسى حابارلاعانداي, شوتتارعا بۇعات مىنانداي كٷدٸكتەر بويىنشا سالىنعان:
- از-ماز سوماداعى كٶپ اقشا اۋدارىمدارى;
- ەكونوميكالىق ماعىناسى جوق وپەراتسييالار;
- ەسٸرتكٸنٸڭ زاڭسىز اينالىمىنا بايلانىستى ەسەپايىرىسۋلار.
سونىمەن قاتار, ەسٸرتكٸ تاراتىلاتىن ينتەرنەت-رەسۋرستاردىڭ بۇعاتتالۋى ٷش ەسەگە ارتتى.
- 2025 جىلدىڭ بٸرٸنشٸ جارتىجىلدىعىندا:
- 17 مىڭنان استام ەسٸرتكٸ سايتى جابىلدى;
- ەسٸرتكٸنٸ ناسيحاتتاۋ فاكتٸلەرٸ بويىنشا سوتقا دەيٸنگٸ 95 ٸس تٸركەلگەن;
- 1 ميلليون ادامدى قامتيتىن 11 مىڭنان استام ەسٸرتكٸگە قارسى ٸس-شارالار ٶتكٸزٸلدٸ.
"ەسٸرتكٸ قىلمىسىنا قارسى كٷرەس قوعامدىق قاۋٸپسٸزدٸك پەن بولاشاق ۇرپاقتى قورعاۋ مٷددەسٸندە كٷشەيتٸلگەن رەجيمدە الدا دا جٷرگٸزٸلە بەرەتٸن بولادى", - دەيدٸ قر ٸٸم ەسٸرتكٸ قىلمىسىنا قارسى ٸس-قيمىل كوميتەتٸ تٶراعاسىنىڭ ورىنباسارى قۋاندىق ەلجانوۆ.
