قازاقستاندا جالپى سوماسى 2 ملرد 400 ملن تەڭگەنىڭ كۇدىكتى دەپ تانىلعان وپەراسيالار بويىنشا 24 مىڭ بانك كارتاسى بۇعاتتالدى، دەپ حابارلايدى Dalanews.kz.
"حابار"ارناسى حابارلاعانداي، شوتتارعا بۇعات مىنانداي كۇدىكتەر بويىنشا سالىنعان:
- از-ماز سوماداعى كوپ اقشا اۋدارىمدارى؛
- ەكونوميكالىق ماعىناسى جوق وپەراسيالار؛
- ەسىرتكىنىڭ زاڭسىز اينالىمىنا بايلانىستى ەسەپايىرىسۋلار.
سونىمەن قاتار، ەسىرتكى تاراتىلاتىن ينتەرنەت-رەسۋرستاردىڭ بۇعاتتالۋى ءۇش ەسەگە ارتتى.
- 2025 جىلدىڭ ءبىرىنشى جارتىجىلدىعىندا:
- 17 مىڭنان استام ەسىرتكى سايتى جابىلدى؛
- ەسىرتكىنى ناسيحاتتاۋ فاكتىلەرى بويىنشا سوتقا دەيىنگى 95 ءىس تىركەلگەن؛
- 1 ميلليون ادامدى قامتيتىن 11 مىڭنان استام ەسىرتكىگە قارسى ءىس-شارالار وتكىزىلدى.
"ەسىرتكى قىلمىسىنا قارسى كۇرەس قوعامدىق قاۋىپسىزدىك پەن بولاشاق ۇرپاقتى قورعاۋ مۇددەسىندە كۇشەيتىلگەن رەجيمدە الدا دا جۇرگىزىلە بەرەتىن بولادى"، - دەيدى ق ر ءىىم ەسىرتكى قىلمىسىنا قارسى ءىس-قيمىل كوميتەتى ءتوراعاسىنىڭ ورىنباسارى قۋاندىق ءالجانوۆ.
