Qazaqstanda kinoteatrlar men filmderdi prokatqa usynatyn kompaniialardyń jumysyn biryńǵai tártipke keltirý kózdelip otyr. Mundai usynysty Básekelestikti qorǵaý jáne damytý agenttigi kino prokaty naryǵyna júrgizilgen taldaýdan keiin kóterdi, dep habarlaidy dalanews.kz.
"Za nami ýje vyehali" telegram arnasynyń málimetinshe, zertteý 2024–2025 jyldardy qamtyǵan. Osy kezeńde qazaqstandyq kino prokaty naryǵynyń kólemi 76,2 mlrd teńgege jetken. Taldaý barysynda 60-tan astam naryq sýbektisiniń qyzmeti qarastyrylǵan.
Agenttik mamandary saladaǵy básekelestik áli de shekteýli degen qorytyndyǵa kelgen. Naryqtaǵy eń iri oiynshy - Kinopark-Kinoplexx Theatres jelisi, odan keiin Chaplin Cinemas tur. Al keibir óńirlerde nebári bir nemese eki kompaniia ǵana jumys isteidi.
Saladaǵy taǵy bir túitkil kinoteatrlar men filmderdi kórsetý quqyǵyn beretin distribiýtorlar arasyndaǵy biryńǵai talaptardyń bolmaýyna bailanysty. Sonyń saldarynan kinoteatrlardyń jańa filmder men premeralarǵa qol jetkizý sharttary árkelki bolýy múmkin.
Osyǵan bailanysty agenttik kino prokaty naryǵyna ortaq erejeler ázirleýdi usynyp otyr. Sonymen qatar kinoteatrlar men distribiýtorlar arasyndaǵy qarym-qatynasty retteitin úlgilik kelisimshart engizý jáne naryqtaǵy baqylaýdy kúsheitý máselesi kóterilgen.
