قازاقستاندا كينوتەاترلار مەن فيلمدەردٸ پروكاتقا ۇسىناتىن كومپانييالاردىڭ جۇمىسىن بٸرىڭعاي تەرتٸپكە كەلتٸرۋ كٶزدەلٸپ وتىر. مۇنداي ۇسىنىستى بەسەكەلەستٸكتٸ قورعاۋ جەنە دامىتۋ اگەنتتٸگٸ كينو پروكاتى نارىعىنا جٷرگٸزٸلگەن تالداۋدان كەيٸن كٶتەردٸ, دەپ حابارلايدى dalanews.kz.
"زا نامي ۋجە ۆىەحالي" تەلەگرام ارناسىنىڭ مەلٸمەتٸنشە, زەرتتەۋ 2024–2025 جىلداردى قامتىعان. وسى كەزەڭدە قازاقستاندىق كينو پروكاتى نارىعىنىڭ كٶلەمٸ 76,2 ملرد تەڭگەگە جەتكەن. تالداۋ بارىسىندا 60-تان استام نارىق سۋبەكتٸسٸنٸڭ قىزمەتٸ قاراستىرىلعان.
اگەنتتٸك ماماندارى سالاداعى بەسەكەلەستٸك ەلٸ دە شەكتەۋلٸ دەگەن قورىتىندىعا كەلگەن. نارىقتاعى ەڭ ٸرٸ ويىنشى - Kinopark-Kinoplexx Theatres جەلٸسٸ, ودان كەيٸن Chaplin Cinemas تۇر. ال كەيبٸر ٶڭٸرلەردە نەبەرٸ بٸر نەمەسە ەكٸ كومپانييا عانا جۇمىس ٸستەيدٸ.
سالاداعى تاعى بٸر تٷيتكٸل كينوتەاترلار مەن فيلمدەردٸ كٶرسەتۋ قۇقىعىن بەرەتٸن ديستريبيۋتورلار اراسىنداعى بٸرىڭعاي تالاپتاردىڭ بولماۋىنا بايلانىستى. سونىڭ سالدارىنان كينوتەاترلاردىڭ جاڭا فيلمدەر مەن پرەمەرالارعا قول جەتكٸزۋ شارتتارى ەركەلكٸ بولۋى مٷمكٸن.
وسىعان بايلانىستى اگەنتتٸك كينو پروكاتى نارىعىنا ورتاق ەرەجەلەر ەزٸرلەۋدٸ ۇسىنىپ وتىر. سونىمەن قاتار كينوتەاترلار مەن ديستريبيۋتورلار اراسىنداعى قارىم-قاتىناستى رەتتەيتٸن ٷلگٸلٸك كەلٸسٸمشارت ەنگٸزۋ جەنە نارىقتاعى باقىلاۋدى كٷشەيتۋ مەسەلەسٸ كٶتەرٸلگەن.
