Qazaqstanda kásiporyndardyń jalaqy boiynsha 1,1 myńnan astam jumysshynyń aldynda bereshegi bar. Bul týraly Eńbek jáne áleýmettik qorǵaý ministrligi habarlady, dep jazady Dalanews.kz.
"2025 jylǵy 1 aqpandaǵy jaǵdai boiynsha memlekettik eńbek inspektorlary respýblikanyń 16 kásipornynda 1,1 myńnan astam jumyskerge 318,2 mln teńgege jalaqy boiynsha bereshek ekenin anyqtady. Sonymen birge túrli uiymdarda júrgizilgen tekserýler barysynda 499 eńbek quqyǵynyń buzylýy anyqtaldy", delingen búgingi ministrlik habarlamasynda.
Eńbek ministrligi jalaqy boiynsha bereshegi bar kásiporyndardyń basshylaryna oryndaýǵa mindetti 240 uiǵarym berilip, 24,3 mln teńgeden astam somaǵa aiyppul salynǵanyn naqtylaidy.
"Qabyldanǵan sharalardyń, onyń ishinde jalaqy boiynsha bereshekti óteýdiń qatań kesteleri men merzimderin belgileýdiń nátijesinde 890 jumyskerdiń quqyqtary qorǵaldy. Olarǵa 81,3 mln teńge tólendi",- deidi vedomstvodaǵylar.
Budan basqa, eńbek zańnamasynyń saqtalýyna memlekettik baqylaýdy qamtamasyz etý máseleleri QR Eńbek jáne halyqty áleýmettik qorǵaý ministrliginiń erekshe baqylaýynda.
2025 jylǵy 1 aqpandaǵy derekter boiynsha, memlekettik eńbek inspektorlary 389 tekserý júrgizdi, onyń barysynda 499 buzýshylyq anyqtaldy, onyń ishinde:
- eńbek salasynda – 466;
- eńbek qaýipsizdigi jáne eńbekti qorǵaý boiynsha – 31;
- halyqty jumyspen qamtý boiynsha – 2.
Qabyldanǵan sharalardyń nátijesinde 3,8 myń jumyskerdiń eńbek quqyǵy qorǵaldy.
Buǵan deiin saitymyzda: "Ortasha jalqydan alty ese joǵary. Sheneýnikterdiń qansha jalaqy alatyny belgili boldy" degen maqala jariialanǵan bolatyn. Sondai-aq "Elimizde 296 kásiporynnyń jumysshylary aldyndaǵy qaryzy 4,5 mlrd teńgeni quraidy" degen materialdy bizden oqi alasyzdar.
