Freedom Broker investitsiialyq kompaniiasynyń sarapshylary Qazaqstandaǵy infliatsiiaǵa qatysty boljamyn qaita qarady, dep habarlaidy dalanews.kz.
Nege.Aqsha málimetinshe, maýsym aiynda jyldyq infliatsiia 10,4%-dan 10,3%-ǵa sál tómendegenimen, bul baǵanyń jalpy ósý qarqyny báseńdedi degendi bildirmeidi. Osyǵan bailanysty sarapshylar 2026 jyldyń sońyna arnalǵan infliatsiia boljamyn 9,5%-dan 10%-ǵa, al 2027 jyldyń sońyna arnalǵan boljamdy 7,9%-dan 8%-ǵa deiin kóterdi.
Sarapshylardyń aitýynsha, buǵan azyq-túlik pen janarmai baǵasynyń qymbattaýy sebep bolyp otyr. Ásirese kókónis baǵasy arzandamai, kerisinshe óskendikten, jaz mezgilinde ádette baiqalatyn azyq-túlik baǵasynyń tómendeýi bolmaǵan.
Sonymen qatar benzinniń qymbattaýy kiim-keshek, turmystyq tehnika jáne basqa da azyq-túlikke jatpaityn taýarlardyń baǵasyna áser etken. Aqyly qyzmetterdiń quny da óse bastaǵan.
Al turǵyn úi-kommýnaldyq qyzmetter tarifteri aitarlyqtai ózgermegen. Sarapshylar muny infliatsiiany tejegen az ǵana oń faktorlardyń biri retinde baǵalap otyr.
