QMA Jambyl oblysy boiynsha departamenti prokýratýranyń úilestirýimen Qazaqstan aýmaǵyna tańbalaýsyz temeki ónimderin zańsyz ákelip, ótkizýmen ainalysqan transulttyq uiymdasqan qylmystyq toptyń qyzmetin toqtatty, dep habarlaidy dalanews.kz.
Tergeý amaldaryna sai Jambyl oblysynyń turǵyny Qyrǵyz Respýblikasynan temeki ónimderin zańsyz jetkizý arnasyn uiymdastyryp, olardy ózine baǵynysty tulǵalar arqyly ótkizgen.
Kontrafakt ónim Taraz qalasyndaǵy saýda oryndary arqyly satylyp, sondai-aq, Almaty, Shymkent qalalaryna, Qaraǵandy, Aqtóbe, Shyǵys Qazaqstan jáne Túrkistan oblystaryna jóneltilgen.
Tergeý barysynda 30-dan asa tintý júrgizildi. Zańsyz ainalymnan jalpy quny 293 mln teńge bolatyn 319 myńnan asa qorap temeki ónimi tárkilendi. Tólenbegen aktsizderdiń somasy - 115 mln teńge.
Transulttyq uiymdasqan qylmystyq top quramynda taýardy jetkizý men ózara esep aiyrysýdy qamtamasyz etken Qyrǵyz Respýblikasynyń azamattary bolǵan. Qarjy aǵynyn jasyrý maqsatynda qylmysqa qatysýshylar beiresmi "Havala" esep aiyrysý júiesin paidalanǵan.
Sot sanktsiiasymen ónimdi tasymaldaýǵa paidalanylǵan úsh kólikke tyiym salyndy. Bes kúdikti qamaýǵa alyndy.
