Tótenshe jaǵdailar ministri Shyńǵys Árinov Qazaqstanda jertóleler men parkingter halyqty bombadan qorǵaýǵa arnalǵan oryn retinde paidalanylatynyn málimdedi, dep habarlaidy Dalanews.kz.
Ministrdiń aitýynsha, álemdik tájiribe kórsetkendei, jerasty qurylystary, parkingter men jertóleler tótenshe jaǵdai kezinde adamdardy qorǵaýdyń eń tiimdi joldarynyń biri.
“Biz burynǵydai arnaiy úlken bombapanalar salý tájiribesinen bas tartýdamyz. Onyń ornyna halyqqa qoljetimdi jertóleler men parkingterdi panalaý oryndary retinde qarastyryp otyrmyz. Aldyn ala esepteýimiz boiynsha, bul jerlerde 14 millionǵa jýyq adamdy ornalastyrýǵa bolady”, – dedi Árinov.
Ministrdiń sózinshe, saýda ortalyqtarynyń ieleri tótenshe jaǵdai kezinde parkingterin halyqqa ýaqytsha qorǵanys orny retinde paidalanýǵa kelisim bildirgen.
“Strategiialyq jáne óndiristik nysandarda ornalasqan bombapanalardyń 70%-y jekemenshikke tiesili. Bul oryndar eń aldymen kásiporyn qyzmetkerlerin qorǵaýǵa arnalǵan. Al olardyń jeke menshikke berilýi zańǵa qaishy emes”, — dedi ol.
Degenmen mundai qorǵanys oryndarynyń qazirgi jaǵdaiy alańdaýshylyq týǵyzatynyn da jasyrmady.
“Biz bul máseleni baqylaýda ustap otyrmyz. Barlyq bombapanalarǵa inventarizatsiia júrgizip, olardy jergilikti bilikpen birge arnaiy tizimge engizemiz. Buryn kásiporyndar ózderine tiesili bul oryndardy buzyp, basqa maqsatta paidalanyp kelgen. Budan bylai mundai áreketterge jol berilmeidi – bári qatań baqylaýda bolady”, – dep sendirdi ministr.
Resmi málimetke sáikes, eldegi ónerkásiptik nysandarda myńnan astam bombadan qorǵaný orny bar.
