Qazaqstanda elektr energıasynyń tarıfteri 1 aqpannan bastap qymbattaıdy

Kámshat Tileýhan 29 qań. 2025 16:45 822

Energetıka mınıstri 2025 jylǵy 27 qańtarda elimizdegi elektr energıasynyń jańa shekti tarıfterin bekitken buıryqqa qol qoıdy. Oǵan sáıkes, elimizde 2025 jyldyń 1 aqpanynda elektr energıasynyń baǵasy ósedi, dep jazady Dalanews.kz.

Qujatta elektr energıasyn óndirýshi kompanıalardyń kelesi toptary boıynsha tarıfterdi kóterý kózdeledi:

Birinshi top (B. Nurjanov atyndaǵy Ekibastuz GRES-1) – 1 kVtsaǵ úshin 8,27 teńgeden 9,5 teńgege deıin.
Ekinshi top (Eýroazıalyq energetıkalyq korporasıasy) – 1 kVtsaǵ úshin 7,98 teńgeden 9,4 teńgege deıin.
Úshinshi top (Ekibastuz GRES-2 stansıasy) – 1 kVtsaǵ úshin 13,17 teńgeden 15,67 teńgege deıin.
Tórtinshi top (Topar bas elektr energıasyn taratýshy energostansıasy) – 1 kVtsaǵ úshin 15,32 teńgeden 20,84 teńgege deıin.
Besinshi top (T.Batýrov atyndaǵy Jambyl GRES-i) - 1 kVtsaǵ úshin 17,73 teńgeden 22,58 teńgege deıin.
Altynshy top (Qaraǵandy energıa ortalyǵy) – 1 kVtsaǵ úshin 14,09 teńgeden 17,64 teńgege deıin.
Jetinshi top (Óskemen JEO)- 1 kVtsaǵ úshin 14,27 teńgeden 17,82 teńgege deıin.
Segizinshi top (Sevkazenergo) – 1 kVtsaǵ úshin 18,61 teńgeden 23,17 teńgege deıin.
Toǵyzynshy top ("Astana-Energıa" AQ) – 1 kVtsaǵ úshin 9,28 teńgeden 11,71 teńgege deıin.
10-top ("Pavlodarenergo" (JEO-2,3) – 1 kVtsaǵ úshin 18,25 teńgeden 24,29 teńgege deıin.
12–top ("Qazaqstan alúmınıi" AQ) - 1 kVtsaǵ úshin 7,87-den 8,52 teńgege deıin.
13-top ("Qazaqmys Enerdjı" (JJEO, BJEO) – 1 kVtsaǵ úshin 21,42 teńgeden 30,24 teńgege deıin.
16–top ("Bassel Group LLS") - 1 kVtsaǵ úshin 16,73 teńgeden 25,48 teńgege deıin.
18–top ("Stepnogor JEO") - 1 kVtsaǵ úshin 28,97 teńgeden 38,67 teńgege deıin.
22–top ("Kentaý Servıs" MKK) - 1 kVtsaǵ úshin 7,07-den 37,12 teńgege deıin.
23–top ("Arqalyq JEO" MKK") - 1 kVtsaǵ úshin 8,44 teńgeden 13,13 teńgege deıin.
26-top ("Almaty elektr stansıalary" JEO – 1,2,3 Qapshaǵaı GES, Kaskad GES) - 1 kVtsaǵ úshin 17,82 teńgeden 20,93 teńgege deıin.

Al 11, 14, 24, 29, 30, 32, 35, 36, 43-48, sondaı-aq 56-60 kompanıalar tobynyń tarıfteri ózgerissiz qaldy.

Sondaı–aq, 61 jáne 62-top tarıfteri qosyldy, tıisinshe 1 kVtsaǵ úshin 18,74 jáne 28,72 teńge.

Buıryq 2025 jylǵy 1 aqpannan bastap qoldanysqa engiziledi.

Energetıka mınıstriniń aıtýynsha, sońǵy tutynýshy úshin baǵa ósimi shamamen 2 teńgeni qurap qalýy kerek.

Keshe Úkimettiń keńeıtilgen otyrysynan keıin Energetıka mınıstri Almasadam Sátqalıev aqpan aıynan bastap janar-jaǵarmaı men dızel otynynyń baǵalary jaılap qymbattaı bastaıtynyn aıtqan edi.