ەنەرگەتيكا ءمينيسترى 2025 جىلعى 27 قاڭتاردا ەلىمىزدەگى ەلەكتر ەنەرگياسىنىڭ جاڭا شەكتى تاريفتەرىن بەكىتكەن بۇيرىققا قول قويدى. وعان سايكەس، ەلىمىزدە 2025 جىلدىڭ 1 اقپانىندا ەلەكتر ەنەرگياسىنىڭ باعاسى وسەدى، دەپ جازادى Dalanews.kz.

قۇجاتتا ەلەكتر ەنەرگياسىن ءوندىرۋشى كومپانيالاردىڭ كەلەسى توپتارى بويىنشا تاريفتەردى كوتەرۋ كوزدەلەدى:

• ءبىرىنشى توپ (ب. نۇرجانوۆ اتىنداعى ەكىباستۇز گرەس-1) – 1 كۆتساع ءۇشىن 8،27 تەڭگەدەن 9،5 تەڭگەگە دەيىن.
• ەكىنشى توپ (ەۋروازيالىق ەنەرگەتيكالىق كورپوراسياسى) – 1 كۆتساع ءۇشىن 7،98 تەڭگەدەن 9،4 تەڭگەگە دەيىن.
• ءۇشىنشى توپ (ەكىباستۇز گرەس-2 ستانسياسى) – 1 كۆتساع ءۇشىن 13،17 تەڭگەدەن 15،67 تەڭگەگە دەيىن.
• ءتورتىنشى توپ (توپار باس ەلەكتر ەنەرگياسىن تاراتۋشى ەنەرگوستانسياسى) – 1 كۆتساع ءۇشىن 15،32 تەڭگەدەن 20،84 تەڭگەگە دەيىن.
• بەسىنشى توپ (ت.باتۋروۆ اتىنداعى جامبىل گرەس-ى) - 1 كۆتساع ءۇشىن 17،73 تەڭگەدەن 22،58 تەڭگەگە دەيىن.
• التىنشى توپ (قاراعاندى ەنەرگيا ورتالىعى) – 1 كۆتساع ءۇشىن 14،09 تەڭگەدەن 17،64 تەڭگەگە دەيىن.
• جەتىنشى توپ (وسكەمەن جەو)- 1 كۆتساع ءۇشىن 14،27 تەڭگەدەن 17،82 تەڭگەگە دەيىن.
• سەگىزىنشى توپ (سيەۆكازەنەرگو) – 1 كۆتساع ءۇشىن 18،61 تەڭگەدەن 23،17 تەڭگەگە دەيىن.
• توعىزىنشى توپ ("استانا-ەنەرگيا" اق) – 1 كۆتساع ءۇشىن 9،28 تەڭگەدەن 11،71 تەڭگەگە دەيىن.
• 10-توپ ("پاۆلودارەنەرگو" (جەو-2،3) – 1 كۆتساع ءۇشىن 18،25 تەڭگەدەن 24،29 تەڭگەگە دەيىن.
• 12–توپ ("قازاقستان ءاليۋمينييى" اق) - 1 كۆتساع ءۇشىن 7،87-دەن 8،52 تەڭگەگە دەيىن.
• 13-توپ ("قازاقمىس ەنەردجي" (ججەو، بجەو) – 1 كۆتساع ءۇشىن 21،42 تەڭگەدەن 30،24 تەڭگەگە دەيىن.
• 16–توپ ("Bassel Group LLS") - 1 كۆتساع ءۇشىن 16،73 تەڭگەدەن 25،48 تەڭگەگە دەيىن.
• 18–توپ ("ستەپنوگور جەو") - 1 كۆتساع ءۇشىن 28،97 تەڭگەدەن 38،67 تەڭگەگە دەيىن.
• 22–توپ ("كەنتاۋ سەرۆيس" مكك) - 1 كۆتساع ءۇشىن 7،07-دەن 37،12 تەڭگەگە دەيىن.
• 23–توپ ("ارقالىق جەو" مكك") - 1 كۆتساع ءۇشىن 8،44 تەڭگەدەن 13،13 تەڭگەگە دەيىن.
• 26-توپ ("الماتى ەلەكتر ستانسيالارى" جەو – 1،2،3 قاپشاعاي گەس، كاسكاد گەس) - 1 كۆتساع ءۇشىن 17،82 تەڭگەدەن 20،93 تەڭگەگە دەيىن.

ال 11، 14، 24، 29، 30، 32، 35، 36، 43-48، سونداي-اق 56-60 كومپانيالار توبىنىڭ تاريفتەرى وزگەرىسسىز قالدى.

سونداي–اق، 61 جانە 62-توپ تاريفتەرى قوسىلدى، تيىسىنشە 1 كۆتساع ءۇشىن 18،74 جانە 28،72 تەڭگە.

بۇيرىق 2025 جىلعى 1 اقپاننان باستاپ قولدانىسقا ەنگىزىلەدى.

ەنەرگەتيكا ءمينيسترىنىڭ ايتۋىنشا، سوڭعى تۇتىنۋشى ءۇشىن باعا ءوسىمى شامامەن 2 تەڭگەنى قۇراپ قالۋى كەرەك.

كەشە ۇكىمەتتىڭ كەڭەيتىلگەن وتىرىسىنان كەيىن ەنەرگەتيكا ءمينيسترى الماسادام ساتقالييەۆ اقپان ايىنان باستاپ جانار-جاعارماي مەن ديزەل وتىنىنىڭ باعالارى جايلاپ قىمباتتاي باستايتىنىن ايتقان ەدى.