Bul týraly Qazaqstan halqyna Joldaýynda Qasym-Jomart Toqaev málim etti, dep habarlaidy Dalanews.kz.
"Taǵy bir másele týyndap jatyr, muny basqa túsken zobalań dep aitsaq ta bolady. Balalar mektepti tastap ketedi, sebebi ony qajet dep sanamaidy. Úkimetke bul máseleni baiypty túrde sheshýdi tapsyramyn. Atap aitqanda, qashyqtan oqytý formattaryna arnalǵan aqparattyq júielerdiń sapasyn arttyrý arqyly. Bizdiń bilim qoljetimdi jáne inkliýzivti bolýy kerek", - dedi Prezident.
Sonymen qatar Toqaev bul rette jaǵymdy jańalyqtar bar ekenin atap ótti.
"Biyl birneshe qazaqstandyq mektep oqýshylary halyqaralyq týrnir olimpiadalarynyń jeńimpazdary men júldegerleri atandy. Mundai daryndy balalarǵa baiypty qoldaý qajet. Biz olarǵa joǵary oqý oryndaryna konkýrstyq emes negizde túsýge granttar berip, birjolǵy aqshalai syiaqy tóleimiz", - dedi ol.
Memleket basshysynyń aitýynsha, daryndy balalardy tárbielegen muǵalimderdi moraldyq jáne qarjylai yntalandyrý qajet.
"Jalpyǵa birdei bilim berý aiasynda áleýmettik osal otbasylardyń balalaryn qoldaýdyń mańyzy zor. Materialdyq qoldaý sharalary "Tsifrlyq muǵalim" bilim berý jobasymen tolyqtyrylýy tiis. Bilim berý júiesine yntaly jáne bilikti muǵalimder qajet.
Men muǵalimderdi qaita daiarlaý qazirgidei bes jyl emes, úsh jyl saiyn qajet dep esepteimin. Óitkeni, olar jańa bilimniń tasymaldaýshysy, naǵyz aǵartýshy bolýy kerek.
Bul rette biz muǵalimderdiń kýrstardy óz qarajaty esebinen oqýy syndy jaǵdaiǵa jol bermeýimiz kerek", - dep sózin qorytyndylady Memleket basshysy.
